Ի՞նչ սպասել մեկից, ով գերադասեց տաքուկ անկյունը՝ ծնողներին թողնելով բախտի քմահաճույքին

Էնջի Ղազարյանը ֆեյսբուքյան իր էջում գրում է.

Երեկ համացանցը թնդում էր մի աղմկահարույց նորությունով, կապված՝ նախկին ոստիկանապետ Վլադիմիր Գասպարյանի և Արթուր Հարությունյանի (Պալաչ մականունով) հետ: Քրեկան գործի հարուցման պատճառ է հանդիսացել նոր հանգամանքների ձեռք բերման փաստը, ըստ որի ոստիկանության բարձրաստիճան պաշտոնյան չարաշահել է իր պաշտոնեական լիազորություններն ու դիրքը։
Ծիծաղելին այստեղ այն է, որ Պալաչը այս ամենից հետո այսօր լրատվականներից մեկին հարցազրույց տալով փորձել է արդարանալ ու կրկին ու կրկին շահարկել Գագիկ Ծառուկյանի անունը։
Թերևս ինչ կարելի էր սպասել, մի մարդուց ով տաքուկ տեղի փնտրտուքներով ժամանակին բառիս բուն իմաստով «գցել է» իր հարազատներին, ընկերներին, գործընկերներին և որ ամենացավալին է սեփական ծնողներին: Էլ չեմ հիշատակում, Պալաչի հանդիսավոր ներողություն խնդրելու արարողությունը՝ հենց Ծառուկյանից, ում անունն այսօր և նախկինում պարբերաբար փորձել է սևացնել:
Անհրաժեշտ է մեկընդմիշտ փաստել, որ Պալաչը մարդը է, ով քամելյոնի կերպարանքով շրջում է ամենուր, ադապտացվելով իրեն հարմար միջավայրին, մի կողմ թողնելով բարոյական ու մարդկային տարրական արժեքները, եթե իհարկե երբևէ դրանք ունեցել է․․․