Հակոբ Բեգլարյանը 9 միավոր անշարժ գույք է հայտարարագրել. «Փաստ»

«Փաստ» օրաթերթը գրում է.

Նախորդ տարվա դեկտեմբերի 28–ին Կառավարությանն առընթեր քաղաքաշինության պետական կոմիտեի նախագահի տեղակալ նշանակված Հակոբ Բեգլարյանը, պարզվում է՝ բազմաբնակարան բնակելի շենքում թվով հինգ ոչ բնակելի տարածք ունի: Այս մասին իմանում ենք Բեգլարյանի՝ փետրվարի 2–ին Բարձրաստիճան պաշտոնատար անձանց էթիկայի հանձնաժողովին ներկայացրած 2016 թ. պաշտոնը ստանձնելու հայտարարագրից:
Բացի այդ ոչ բնակելի տարածքներից Բեգլարյանը հայտարարագրել է ևս չորս անշարժ գույք՝ երկու հողամաս, մեկ բնակարան և մեկ հողին ամրակայված այլ անշարժ գույք:
Պաշտոնյայի հայտարարագրից նաև իմանում ենք, որ նա երկու ավտոմեքենա ունի՝ «BMW X5 4.4 I» և «LEXUS LS 460» մակնիշի: Վերջինս հայտարարագրել է 19 միլիոն 231 հազար դրամի չափով բաժնետոմսեր:
Պաշտոնը ստանձնելու օրվա՝ 2016 թ. դեկտեմբերի դրությամբ Հակոբ Բեգլարյանն ունեցել է 35 միլիոն դրամ, 72 հազար եվրո և 100 հազար ամերիկյան դոլար, տարեկան եկամուտներ չի հայտարարագրել:

Շարունակությունը` «Փաստ» օրաթերթի այսօրվա համարում: