Էժանագին հակաքարոզչություն իրականացնող լրատվականներն ու քաղաքական ուժերը պետք է վերադառնան ռացիոնալության դաշտ

Հասմիկ Վարդանյանը ֆեյսբուքյան իր էջում գրում է.

Այսօր «Ժամանակ» օրաթերթն ամբողջությամբ իր ռեպերտուարի մեջ էր, երբ հրապարակվեց մի իբր թե հայտարարություն, թե ոմն Զարուհի Սարգսյան, ով հանդիսանում է «Սմարթ Քոնսթրաքշն» ընկերության տնօրեն, պնդում է, թե «Եվրոմոթորս» ընկերությունը չի կատարել իրենց նկատմամբ ֆինանսական պարտավորությունները: Քաղաքական ենթատեքստն այս ամենի մեջ նշմարվեց այն ժամանակ, երբ շահարկվեց «Եվրոմոթորս» ընկերության բաժնետեր Գագիկ Ծառուկյանի անունը: Նախ նշենք, որ պայմանագրի շրջանակներում ներքոնշյալ քոնսթրաքշնը, 2016 թվականին, «Եվրոմոթորս» ընկերությունից ստացել է 3.280.000 ԱՄՆ դոլար գումար և չունի ոչ մի պարտավորվածություն /այս մասին, իր ֆեյսբուքյան էջում հայտարարել է Գագիկ Ծառուկյանի մամուլի խոսնակ Իվետա Տոնոյանը /: Հատկանշական է, որ այդ գումարը ոչ թե Գագիկ Ծառուկյանն է փոխանցել, այլ ընկերությունը որտեղ նա բաժնետեր է և այս համատեքստում էլ ակնհայտ են դառնում հոդվածագրի և հերյուրանքի հեղինակի իրական մտադրությունները՝ հերթական անգամ, քաղաքական դրդապատճառներից ելնելով, շոշափել Գագիկ Ծառուկյանի անունը:
Արձանագրենք, որ «դիժուրնի» ստոր, կանխամտածված հակաքայլը տապալվեց, քանի որ իրական հանգամանքները ի հայտ եկան: Բացի այդ նման դեպքերում, եթե անգամ հիմնավոր փաստարկներ չկա, ապա այդօրինակ հայտարարություններով իրավապահ մարմիններին են դիմում, ոչ թե լրատվականներին: Այս հանգամանքը ևս կասկածի տեղիք է տալիս:
Ինչևէ կարծում ենք ժամանակն է, որ կեխտոտ հակաքարոզչություն իրականացնող լրատվականներն ու քաղաքական ուժերը վերադառնան ռացիոնալության դաշտ և փորձեն իրենց գործողություններում օբյեկտիվ և ադեկվատ լինել, հակառակ պարագայում, նմանատիպ ապատեղեկատվությունները և արդյունք չեն տալու և վարկաբեկելու են հենց հեղինակներին, քանի որ դաշտը չափազանց պարզեցված է և ակնհայտ է, թե քամիները որ ուղղությամբ և ուր են փչում: