Ծառուկյանը իրականացրեց «ԵՍ ԿԱՄ» հաղորդաշարի փոքրիկների երկար սպասված երազանքը

Լենա Ավետիսյանը ֆեյսբուքյան իր էջում գրում է.

Հայաստանում ու դրա սահմաններից դուրս ապրող ամեն հայ գոնե մեկ անգամ լսել է «ԵՍ ԿԱՄ» հաղորդաշարի մասին։ Շատերս այն դիտել ենք հետաքրքրությունից դրդված, հուզվել ու ուրախացել ենք այն երեխաների համար, ովքեր մեծ ուրախությամբ են հանդիպել այն մարդու հետ, ում ցանկացել են տեսնել երկար ժամանակ, սպասել ու երազել են իրենց հանդիպման մասին։ Նրանցից շատերը արդեն իրականացրել են իրենց երազանքը, ու կիրականանա նաև մյուս փոքրիկների երազանքը։

Այսօր ուզում եմ խոսել «ԵՍ ԿԱՄ»-ի մի յուրահատուկ թողարկման մասին, որը հերարձակվեց նոյեմբերի 24-ին։ Իրականություն դարձավ միանգամից 8 երեխայի երազանք։ Նրանք ցանկություն էին հայտնել հանդիպել Գագիկ Ծառուկյանի հետ։ Ու ահա երկար սպասումներից հետո հասավ նրանց երազանքի իրականացման ժամը։ Այն օրը, որը նրանք անցկացրեցին Գագիկ Ծառուկյանի հետ, գուցե և երեխաների դժվար ու փորձություններով լի կյանքի մեջ լույսի մի շող էր, որը գուցե որոշիչ ազդեցություն է ունենալու երեխաների հետագա կյանքի, նրանց կարևորագույն որոշումների վրա։ 
Բոլորս էլ բազմիցս ականատեսն ենք եղել, թե ինչպիսի հեշտությամբ ու թեթևությամբ է Ծառուկյանը շփվում երեխաների հետ, կառուցում ընկերական հարաբերություններ, ու այս անմիջական մթնոլորտում երեխաների հայացքներից անգամ հեռուստադիտողին է փոխանցվում երջանկության ու ջերմության մի մեծ չափաբաժին։

Հույս ենք հայտնում, որ Գագիկ Ծառուկյանի այս ֆորմատով հանդիպումը երեխաների հետ վերջինը չի լինելու, չէ՞ որ նրա հետ անցկացրած մեկ օրը իրականություն դարձրեց փոքրիկների այսքան սպասված երազանքը, ու այսուհետ նրանք կհավատան, որ երազանքները կատարվում են։