Էրեբունիում «Ծառուկյան» դաշինքից կառաջադրվի Սամվել Ալեքսանյանը. «Փաստ»

«Փաստ» օրաթերթը գրում է.

Այդպես էլ Հանրապետական կուսակցությունը չլքած Մհեր Սեդրակյանի (Թոխմախի Մհեր) որդի Դավիթ Սեդրակյանը թերևս ինչ–ինչ հաշվարկների ու ճնշումների արդյունքում հրաժարվեց «Ծառուկյան» դաշինքով առաջադրվելու մտքից, այն դեպքում, երբ «Փաստի» տեղեկություններով, նա ամեն տեղ արդեն հայտարարել էր, որ առաջադրվելու է հենց ադ դաշինքով:
«Փաստի» տեղեկություններով՝ Դավիթ Սեդրակյանի փոխարեն «Ծառուկյան» դաշինքից կառաջադրվի Էրեբունու ԲՀԿ տարածքային կառույցի նախկին ղեկավար, գործարար Սամվել Ալեքսանյանը, որը ոչ մի կապ չունի ՀՀԿ–ական գործարար, պատգամավոր Սամվել Ալեքսանյանի հետ: ԲՀԿ–ական Սամվել Ալեքսանյանը, «Փաստի» տեղեկություններով, գծատեր է և հացի փուռ ունի:
ԲՀԿ–ն քննարկում է նաև այլ թեկնածություններ Էրեբունի–Շենգավիթ ընտրատարածքի համար:
Ինչ վերաբերվում է Մհեր Սեդրակյանին, ապա նա այս ընտրություններում չեզոք կմնա, քանի որ բոլորովին վերջերս Էրեբունիում ՀՀԿ կառույցի ղեկավար է դարձել հենց Մհեր Սեդրակյանի որդու առաջադրման ծրագրի հետևանքով ԲՀԿ–ն լքած, 2008–ից էրեբունու ԲՀԿ կառույցի ղեկավար, ԲՀԿ–ի համար ժամանակին մեծ թվով ձայներ ապահոված Սնխչի Հարութը՝ Հարություն Կարապողոսյանը:
Նշենք, որ նախկին ԲՀԿ–ական Սնխչի Հարութը ռեյտինգայինով առաջադրվելու է ՀՀԿ–ից Էրեբունի–Շենգավիթ ընտրատարածքում:

Շարունակությունը` «Փաստ» օրաթերթի այսօրվա համարում:

Էրեբունիում «Ծառուկյան» դաշինքից կառաջադրվի Սամվել Ալեքսանյանը. «Փաստ»

Վերջին շաբաթվաամենաթեժիրադարձությունները Թոփ 10ամենաընթերցվածլուրերը

Վերջին շաբաթվա
ամենաթեժ
իրադարձությունները Թոփ 10
ամենաընթերցված
լուրերը