Գագիկ Ծառուկյանի աջակցությունը և մարզիկների նպատակային աշխատանքը տվեց իր պտուղները
Հրաչյա Էլբակյանը ֆեյսբուքյան իր էջում գրում է.
Օրեր առաջ ևս մեկ անգամ համոզվեցինք, որ Հայաստանում սպորտն է ամենակայացած ոլորտը և հենց սպորտն է, որ մեր երկրին ճանաչում է բերել, բերում է և դեռ կբերի։Խոսքը գնում է Աշխաբադում կայացած ծանրամարտի աշխարհի առաջնության մասին, որտեղից մեր մարզիկները հայրենիք վերադարձան` 2 ոսկե և 5 արծաթե մեդալ նվաճած։
Սպորտում նման արդյունքները փաստում են այն մասին, որ մեր մարզիկների տարիների չարչարանքը ու քրտնաջան աշխատանքը ապարդյուն չէ, ավելին՝ սպասված արդյունքներ է տալիս։ Քանզի հայ դյուցազուններից Սիմոն Մարտիրոսյանը, ով դեռևս 21 տարեկան է, հենց այս առաջնության ժամանակ դարձավ աշխարհի չեմպիոն՝ ռեկորդային արդյունքով։ Ուժեղ կամքի դրսևորման արդյունքում նաև լուրջ հաջողություններ գրանցեց Գոռ Մինասյանը, ով հայրենիք վերադարձավ աշխարհի փոխչեմպիոնի կարգավիճակով։
Անկասկած, այս հաջողությունները ոչ թե Հայաստանում սպորտի համակարգված աշխատանքի, այլ մարզիչների նվիրված աշխատանքի, մարզիկների տաղանդի և կոնկրետ մարդկանց աջակցության արդյունք է։Եվ հենց այդ աջակցության շնորհիվ է, որ մեր մարզիկները միջազգային հարթակներում հայկական դրոշը ներկայացնելուց առաջ ունենում են անհրաժեշտ մոտիվացիա։ Իսկ աջակցություն հայկական սպորտին բազմիցս տեսել ենք ՀԱՕԿ նախագահ Գագիկ Ծառուկյանի կողմից, ով ջանք ու եռանդ չի խնայել և չի խնայում՝ բավարար պայմաններ ստեղծելու և հնարավոր ամեն կերպ հայ մարզիկներին աջակցելու գործում։ Իսկ մարզիկներն էլ իրենց հերթին կարողանում են պատվով հանդես գալ միջազգային մրցույթներում և գրավել բարձր հորիզոնականներ։
Ինչ խոսք, բազմիցս համոզվել ենք, որ Գագիկ Ծառուկյանի և սպորտի ներկայացուցիչների միջև ձևավորված ամուր հարաբերությունների արդյունքում է, որ Հայաստանը իր դիրքերը միջազգային սպորտում միմիայն առաջ է տանում, ինչի վառ ապացույցն էլ այն է, որ միջազգային մրցույթներում հայոց եռագույնը ծածանվում է բոլորից վեր։
GTB Development ընկերությունը դարձել է Հայաստանի պետական սիմֆոնիկ նվագախմբի 21-րդ համերգաշրջանի գլխա...
Փաշինյանի իշխանության հանցավոր անգործության պայմաններում Թուրքիայի «ձեռքերն ազատ» են. Տիգրան Աբրահամ...
«Համահայկական ճակատ» շարժման տեղեկատվական կենտրոնի հաղորդագրությունը
Սպասվում են հորդառատ անձրեւներ, կարկուտ. օդի ջերմաստիճանը կնվազի
«Առողջության օր 2026». թիմային ոգու և առողջ մրցակցության տոնը ԶՊՄԿ-ում
«Ինտերը» նոր պայմանագիր կնքեց Մխիթարյանի հետ
21-րդ դարի Հայոց Ազգային Բանակը պետք է դառնա հզոր, անվտանգ և ինքնիշխան Հայաստանի հիմնասյունը․ Խաչիկ ...
Հուլիսի 6-ից կարելի է դիմել վարորդական իրավունքի վերականգնման համար․ կսահմանվի փորձաշրջան՝ 6 բալային...
Մենք մեր ողջ կյանքում ծառայել ենք Հայաստանի Հանրապետությանը, ոչ թե ձեր նման` զբաղվել բամբասանքով․ Ա...
Մեկնարկել է «Կապան Ֆեստ 2026» միջազգային երաժշտական փառատոնը․ ԿԳՄՍՆ
