Էդուարդ Թոփչյանը հույս ունի, որ իրականացված հեղափոխությունը դեռ կհասնի մշակույթին
Հայաստանի ազգային ֆիլհարմոնիկ նվագախմբի գեղարվեստական ղեկավար և գլխավոր դիրիժոր (ՀԱՖՆ) Էդուարդ Թոփչյանի տեսլականը Հայաստանում տեղի ունեցած և սպասվելիք փոփոխությունների վերաբերյալ լավատեսական է:
Էդուարդ Թոփչյանը Oragir.info-ի հետ զրույցում նախ ընդգծեց՝ քաղաքականությունից հեռու է, չի զբաղվում: Միաժամանակ, որքանով հետևում է իրադարձություններին, եկել է հետևյալ եզրահանգմանը.
«Կարծում եմ, որ ամեն ինչ նորմալ է և ամեն ինչ շարժվում է դեպի լավը: Մենք շարունակում ենք կատարել մեր աշխատանքը: Ես կարծում եմ, որ հեղափոխությունը դեռ կհասնի մշակույթին: Մինչև մշակույթն այսօրվա դրությամբ այնքան հարցեր կան...
Ընդհանրապես, մենք բոլորս ակնկալում ենք, որ մեր երկիրը պետք է դառնա արդար, հուսալի, ապահով, ազնիվ և օբյեկտիվ երկիր: Եվ եթե այդպես լինի, դրանից կշահի յուրաքանչյուր ոլորտ, այդ թվում՝ մշակույթը»:
Նրա կարծիքով՝ նախկին համակարգում ամենագլխավոր սխալներից մեկը կոռուպցիան է եղել:
«Այժմ կոռուպցիայի դեմ, կարծես թե, պայքար է գնում, և կան արդյունքներ: Օրինակ՝ ինձ թվում է, որ հիմա մեր երկրում կոռուպցիա չկա: Ես տեսնում եմ, որ երկիրն այսօր ազնիվ է շարժվում»,–նշեց մեր զրուցակիցը:
Էդուարդ Թոփչյանը չի կիսում այն կարծիքները, թե հասարակության մեջ առկա ոգևորությունը, էյֆորիան իր մեջ վտանգներ ունի: «Կարծում եմ՝ ոգևորությունը հրաշալի մի բան է: Ոգևորությունը վտանգներ չունի: Հիմա մեր ժողովրդի մեջ կա ոգևորություն, իսկ եթե մարդիկ ոգևորված լինեն և այդ ոգևորությամբ միասին ինչ–որ բան անեն, անպայման կհասնեն իրենց նպատակին»,– ընդգծեց նա:
Վերադառնալով մշակույթին՝ Էդուարդ Թոփչյանը նշեց այն կարևոր հանգամանքի մասին, առանց որի մշակույթը զարգացնելն այդքան էլ հեշտ չէ:
«Ինձ թվում է, որ ցանկացած երկրի դեմքը ներկայացնելու համար ամենագլխավոր գործոններից մեկն է մշակույթը: Մշակույթը մի ոլորտ է, որին անընդհատ միջոցներ են անհրաժեշտ զարգացման համար: Դրա համար ամենալավ մշակույթն ունեն հարուստ երկրները: Կարծում եմ՝ մեզ մոտ էլ կգա մի օր, երբ հնարավոր կլինի ավելի մեծ ուշադրություն և ավելի մեծ ներդրումներ անել մշակույթի ոլորտում»,–ասաց նա:
Դիտարկմանը, թե արդյո՞ք ներդրումները բավական են մշակույթի ոլորտում զարգացում տեսնելու համար, արդյո՞ք չպետք է հաղթահարվեն այնպիսի խնդիրներ, ինչպիսին, օրինակ, մշակութային գործիչներին չգնահատելն է, արձագանքեց.
«Եթե մարդն իր աշխատանքը կատարում է և լավ է կատարում, միշտ կլինեն գնահատողներ: Յուրաքանչյուր մարդ թող փորձի իր աշխատանքը կատարել: Ես չգիտեմ՝ ո՞վ է գնահատված, ով՝ ոչ, բայց յուրաքանչյուր մարդ պետք է մտածի իր աշխատանքը հնարավորինս լավ կատարելու մասին: Եթե ամեն ինչ ճիշտ է, ուրեմն՝ կգնահատվի»:
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկ...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
