Վստահելի գործընկեր ունենալու փաստը՝ ի դեմս Գագիկ Ծառուկյանի, դարձավ ներդրումներ կատարելու նախապայման

Լենա Ավեստիսյանը ֆեյսբուքյան իր էջում գրում է.

500 միլիոն դոլարի ներդրում, որը կապահովվի 7000 աշխատատեղ։ Ահա այսպիսի հեռանկարներ կան թեթև արդյունաբերության ոլորտում։
Արդյունաբերական խոշոր քաղաքի բացումը ՀՀ տնտեսությանը զարկ տվող ամենակարևոր նախագիծն է լինելու։ Արդյունաբերական խոշոր քաղաքը, որը զբաղեցնոլու է 1 միլիոն քառակուսի մետր տարածք, իր մեջ ներառելու է 10-13 գործարաններ։ Ծրագիրը, որը նախատեսված է իրականացնել 5 տարվա ընթացքում, Գագիկ Ծառուկյանի պատրաստակամության շնորհիվ, կիրականացվի ավելի շուտ, քանի որ հսկայական ջանքեր են գործադրվում այդ ուղղությամբ։
Ամար Սաբաղը, ով հանդիսանում է այս նախագծի խոշոր ներդրողներից, նշում է, որ վստահելի գործընկեր ունենալու փաստն է նրան դրդել, որ կատարի այս ներդրումը։ Գագիկ Ծառուկյանը օտարերկյա ներդրողների վստահությունն ունեցող գործարար է, ու հեղինակության շնորհիվ Հայաստանում դեռ շատ ներդրումներ են կատարվելու։
Արդյունաբերական քաղաքի բացվելը շատ դրական կողմեր ունի, սակայն կարելի է առանձնացնել դրանցից մի քանիսը։
Նախ այն 7000-ից ավել ՀՀ քաղաքացիների հնարավորություն կտա ունենալ լավ վարձատրվող աշխատանք։ Երկրում աղքատության մակարդակը կնվազի։
Կսկսվի խոշորամաշտաբ հայրենադարձության գործընթացը, մեր հայրենակիցները կվերադառնան հույսով, որ այստեղ անգործ չեն մնալու։
Հաջորդ, ոչ պակաս կարևոր, դրական կողմը արդյունաբերական քաղաքի տեղակայման վայրն է։ Այն գտնվում է Առինջ մոլի հարևանությամբ, այսպիսով՝ այն կնպաստի Երևանի կենտրոնական մասի բեռնաթափմանը, հսկայական խցանումներից զերծ կմնան աշխատանքի շտապող քաղաքացիները, ու աշխատավայր հասնելու համար երևանյան հսկայական խցանումների մեջ ժամանակ չեն վատնի։
Զարկ կտրվի տեղական արտադրությանը, կմեծանան արտահանման ծավալները, քանի որ, ըստ նախագծի նախատեսվում է արտադրանքը արտահանել ինչպես Ռուսաստան, այնպես էլ Եվրոպական որոշ երկրներ։
Այսպիսով՝ ունենք մի նախագիծ, որը ոչ միայն զարկ է տալու թեթև արդյունաբերության զարգացմանը, այլև նպաստելու է հայրենական արտադրության արտահանմանն ու օտարերկրյա սպառողին ներկայացնելուն։