Աբովյանը մշտապես գտնվում է Գագիկ Ծառուկյանի անմիջական հոգածության ներքո

Մարի Սերոբյանը ֆեսյբուքյան իր էջում գրում է.

Աբովյանը շարունակում է ծաղկել ու բարգավաճել, օրերս քաղաքը մեծ շուքով տոնեց հիմնադրման 55-րդ տարեդարձը: Հոբելյանական օրվա առթիվ, քաղաքի տարբեր հատվածներում վաղ առավոտից բազմաթիվ միջոցառումներ են անցկացվել: Ավանդույթի համաձայն աբովյանցիները քաղաքում սպասում էին Աբովյանի պատվավոր քաղաքացի Գագիկ Ծառուկյանին: Ամեն տարի Ծառուկյանն իր յուրատեսակ նվերն է անում աբովյանցիներին այս կամ այն կերպ նրանց հոգսը թեթևացնելով: Այս տարի աբովյանցիների համար գլխավոր նվերը քաղաքի օրվա կապակցությամբ կրկին արեց Գագիկ Ծառուկյանը: Ծառուկյանի միջոցներով Աբովյան քաղաքում երիտասարդ ընտանիքների համար աննախադեպ պայմաններով սոցիալական բնակարանաշինության ծրագիր կիրականացվի 800-ից 1000 ընտանիքների համար: Այսպիսով երիտասարդները կարող են բնակարան ձեռք բերել ութից տասը տարվա ընթացքում ամսական վճարելով ընդամենը հարյուր հիսուն դոլար: Սա իրականում աննախադեպ և շատ մատչելի պայմաններ է բնակարան ձեռք բերելու համար: Բոլորս էլ շատ լավ գիտենք, թե այսօր հատկապես երիտասարդ ընտանիքները ինչ դժվարությունների են հանդիպում բնակարան ձեռք բերելիս, իսկ շատերի համար բնակարանի ձեռքբերումը այդպես էլ մնում է երազանք: Իսկ Գագիկ Ծառուկյանի նախաձեռնությամբ երիտասարդ ընտանիքները կկարողանան վերջապես ձեռք բերել բնակարան:
Բացի այդ աբովյանցիները մեկը մյուսին հերթ չտալով պատմում էին, որ Գագիկ Ծառուկյանը ոչ միայն Աբովյանի օրն է նվեր մատուցում քաղաքին, այլ ամեն օր Աբովյանը գտնվում է նրա անմիջական հոգածության ներքո: Ծառուկյանի աջակցությամբ քաղաքը հոգևոր-մշակութային զարգացում է ապրում, զարգանում է սպորտը, երիտասարդների համար զարգացման բազմաթիվ հնարավորություններ են ստեղծվում: Նման աջակցությունը քաղաքաներին ու համայնքներին,իսկապես, շատ կարևոր է և հենց դա է երկրի զարգացման գրավականներից մեկը: