Բնակարանները հիմա ավելի հասանելի կլինեն, քան երբևէ. Գագիկ Ծառուկյանի անակնկալը Աբովյանցիներին

Արման Հարոյանը ֆեյսբուքյան իր էջում գրում է.

Երևանի «հյուսիսային դարպաս»՝ քաղաք Աբովյանը, հիմնադրվել է 1963 թվականին, և այս տարի Աբովյանի 55 ամյակը նշվեց մեծ շուքով։ Աբովյանցիներին շնորհավորելու էր եկել ԲՀԿ նախագահ, Աբովյանի պատվավոր քաղաքացի Գագիկ Ծառուկյանը։ Իր շնորհավորական խոսքում Ծառուկյանը նշեց մի քանի կարևոր քայլ, որ պետք է արվի մոտակա ժամանակներս՝ բնակիչների կյանքը էլ ավելի բարեկեցիկ դարձնելու նպատակով։
Արդեն 35 տարի է Աբավյան քաղաքում չեն կառուցվել բնակելի շենքեր, այս ծրագրում նախատեսվում է 40 հազար քառ. մետր բնակելի շենքի կառուցումը։
Ծառուկյանի նախաձեռնությամբ իրագործվող այս ծրագիրն ունի բազմաթիվ դրական կողմեր, ու դրանց անդրադառնալն ու մանրամասնելը էական նշանակություն ունի՝ նախագիծը ավելի ճիշտ ըմբռնելու համար։
Առաջին հերթին բնակարանները մատչելի կդառնան թե՛ Աբովյանի, թե՛ այլ համայնքների բնակիչների համար, քանի որ դրանք նախկին քառակուսի մետրը 1200 դոլլարի փոխարեն, կվաճառվեն մետր քառակուսին 350 դոլլարով։ Մաթեմատիկական գիտելիքների մի փոքր պաշարն էլ բավական է, որ այս ահռելի տարբերությունը զգացվի։
Նախագծի հաջորդ դրական կողմը կհետաքրքրի այն ընտանիքներին, ոքեր հետաքրքրված են հիփոթեքային վարկի միջոցով բնակարանի ձեռքբերմամբ։ Կախված բնակարանի չափերից՝ 150 դոլլա ամսական գումարով, 8-10 տարվա ընթացքում կարելի է դառնալ բնակարանի սեփականատերը։ Համեմատության համար՝ հիմա 20-25 տարվա ընթացքում, ամսական 650 դոլլարով են ընտանիքները դառնում բնակարանի սեփականատերը։
Երրորդ, ու նոր Հայաստանի համար առավել կարևոր մի դրական տեղաշարժ, որին կնպաստի Ծառուկյանի այս նախագիծը։ Բոլորն էլ գիտեն, որ հեղափոխությունը ներգաղթի վրա դրական ազդեցություն ունեցավ, ու աշխատելու նպատակով հայրենիքից հեռացած մարդիկ՝ այստեղ հույս տեսնելով, հետ են վերադառնալու։ Վերադառնալու են այն գիտակցումով, որ այլևս պետք չէ չարքաշ աշխատանք կատարել փոքրիկ բնակարան ձեռք բերելու համար։ Բնակարանները հիմա ավելի հասանելի են, քան երբևէ։
Այսպիսով ականատեսն ենք եղել Ծառուկյանի ևս մեկ հայրենանվեր ծրագրին, որը կնպաստի նաև ամբողջ ՀՀ տարածքում բնակարանների գների իջեցմանը։
Գագիկ Ծառուկյանի յուրաքանչյուր ծրագիր ու նախագիծ, ամեն օր մեզ ապացուցում են, որ Հայաստանը՝ նման բարերարների կարիքն ունի։