Ծառուկյանի շնորհիվ Հայաստանը ևս մեկ հնարավորություն ստացավ աշխարհի հետ համաքայլ գնալու

Կարինե Դալլաքյանը ֆեյսբուքյան իր էջում գրում է.

21-րդ դարը տեղեկատվական տեխնոլոգիաների ժամանակաշրջան է, տեղեկատվական տեխնոլոգիաների շնորհիվ աշխարհը թևափոխվել է զարգացման նոր մակարդակի և զարգացումը շատ արագ տեմպերով շարունակվում է: Ավելորդ է խոսել Հայաստանում տեղեկատվական տեխնոլոգիաների զարգացման կարևորության մասին, դա է աշխարհի հետ համաքայլ գնալու երաշխիքներից մեկը: Երեկ Հայաստանում բացվեց աշխարհում ամենախոշոր Մայնինգ Ֆերման, այն կառուցվել է "Օմնիա Թեք" ընկերության և Մուլտի Գրուպ Կոնցեռնի գործակցությամբ: Սա կարևոր քայլ է Հայաստանում ՏՏ ոլորտին զարկ տալուն ուղղված:
Նման մայնինգ ֆերմայի բացումը Հայաստանում կապված է բացառապես Գագիկ Ծառուկյանի վայելած հեղինակության հետ, որը նա ունի ոչ միայն Հյասատանում, այլ նաև արտերկրում: Այսպիսով՝ հիմնվելով Գագիկ Ծառուկյանի նկատմամբ ունեցած անձնական վստահության վրա "Օմնիա Թեք" ընկերության ղեկավարները վաճառել են Ավստրիայում և Շվեդիայում գործող իրենց մայնինգ ֆերմաները և ամբողջությամբ բիզնեսը տեղափոխել Հայաստան: Սա առաջին դեպքը չէ, երբ ներդրումներ են գալիս Հայաստան Գագիկ Ծառուկյանի անձնական վստահության շնորհիվ:
Նման մայնինգ ֆերմայի կառուցումը ոչ միայն ՏՏ ոլորտի զարգացմանն է նպաստելու Հայաստանում, այլ վստահորեն շատ լավ մոտիվացիա ու խթան է դառնալու երիտասարդների համար ավելի խորանալ, մասնագիտանալ ու հմտանալ ՏՏ ոլորտում: Այս մայնինգ ֆեռման որոշակիորեն լուծում է նաև Հայաստանում առկա ամենացավոտ խնդիրներից մեկը՝ աշխատանքի խնդիրը, քանզի այն աշխատանքով է ապահովելու մեր բազմահազար հայրենակիցների:Հենց նման նախաձեռնությունների շնորհիվ է, որ Հայաստանում հետզհետե զարգանալու է տնտեսությունը: