Ծառուկյանը շարունակում է ազգանվեր գործունեությունը

Մհեր Կարապետյանը ֆեյսբուքյան իր էջում գրում է.

Նոր Հաճն քաղաքը նշում էր իր հիմնադրման 60-ամյակը և որպես պատվավոր հյուր հրավիրված էր Գագիկ Ծառուկյանը, ով իր ավանդն է ունեցել քաղաքի զարգացման և պահպանման հարցում: Միշտ էլ քաղաքի հիմնախնդիրները, մարդկանց պահանջները գտնվել են Գագիկ Ծառուկյանի ուշադրության կենտրոնում: Այդ պահանջներից մեկն էլ այն էր, որ բնակիչները ուզում էին իրենց քաղաքում ունենալ եկեղեցի, որն էլ Գագիկ Ծառուկյանի միջամտությամբ 2015 թվականին կառուցվեց՝ անվանվելով Սուրբ Ամենափրկիչ:
Յուրաքանչյուր համայնքի պահպանման համար էլ շատ կարևոր է ունենալ իր հոգևոր կենտրոնը, որն օգնում է ոչ միայն պահպանել համայնքի հոգևոր արժեքները, այլև ազգային ինքնությունը: Հոգևոր կենտրոնի բացակայությունը խթանում է համայնքի պառակտմանը, տարաձայնությունների ավելացմանը: Իսկ հոգևոր կենտրոնի առկայությունը նպաստում է տվյալ խնդիրների վերացմանը, այն օգնում է, որպեսզի համայնքը գործի ավելի արդյունավետ: Ու այս կարևոր առաքելության մեջ, իր ավանդն է ունեցել Գագիկ Ծառուկյանը, ում մասին էլ իհարկե տեղի բնակիչները գոհունակությամբ և շնորհակալական խոսքեր են ասում՝ կատարած աշխատանքի համար: Ընդհանրապես Գ. Ծառուկյանի գործունեությունը ներառում է ազգապահպանման և հոգևոր կենտրոնների շատացման գաղափարը, որոնց շնորհիվ պահպանվում է և հայ ազգի ինքնությունը:
Շատ կարևոր է նաև այն, որ Գ. Ծառուկյանի ուշադրության կենտրոնում են նաև մեր փոքրիկները: Բոլորիս համար էլ հասկանալի է, որ հիմա այնպիսի ժամանակաշրջան է, երբ բոլորն էլ ցանկանում են լուսանկարվել հեղինակավոր անձանց հետ: Ու այս գործում էլ Գ. Ծառուկյանը ընդառաջ է գնում բոլորին և համբերատարությամբ լուսանկարվում է հայ փոքրիկների հետ և այդ լուսանկարները կդառնան մի հուշ, նրանց ամբողջ կյանքի ընթացքում: