Մշակույթը` հայ-ուկրաինական կապերի զարգացման գրավական

Մարինե Ավագյանը ֆեյսբուքյան իր էջում գրում է.

Տարաս Գրիգորևիչ Շևչենկոյի հուշարձանի բացումը Երևանում անշուշտ անարձագանք չի մնա ուկրաինացի ժողովրդի կողմից: Հոկտեմբերի 13 ին Գագիկ Ծառուկյանի աջակցությամբ տեղադրվեց ուկրաինացի հայտնի արվեստագետի նկարչի, հուշարձանը: Տարաս Շևչենկոն ուկրաինական մշակույթի հայրերից է, և նրա գործերը ունեն համաշխարհային հռչակ:

Գագիկ Ծառուկյանի կողմից այս հուշարձանի բացումը ոչ միայն հնարավորություն կտա երևանցիներին տեսնել և տեղեկանալ հռչակավոր արվեստագետին, այլ նաև կխթանի հայ-ուկրաինական մշակութային կապերի զարգացմանը: Պատահական չէ, որ բացման արարաողությանը մասնակցում էր Հայաստանում Ուկրաինակի արտակարգ և լիազոր դեսպան Պյոտր Լիտվինինը, իսկ արձանը բացելու պատվավոր գործը վստահված էր Գագիկ Ծառուկյանին: Հայ-ուկրաինական մշակութային, տնտեսական, քաղաքական կապերը ունեն բազմամյա տարիների հարուստ պատմություն, և նմանատիպ քայլերի հիմնական նպատակը զարգացնելն է այդ կապերը, որից կշահեն հայ և ուկրաինացի ժողովուրդները: Ուկրաինայում կա բավականին հոծ հայկական համայնք, և երկու երկրների հարաբերությունների ջերմացումը չի կարող դրական կերպով չանրադառնալ Ուկրաինայում ապրող մեր հայրենակիցների վրա:

Նմանատիպ նախաձեռնությունները, որոնք բազմիցս իրականություն են դառնում Գագիկ Ծառուկյանի անձնական նախաձեռնությամբ, պետք է օրինակ լինեն այլ հասարական-քաղաքական գործիչների համար: