Գագիկ Ծառուկյանը խոստացավ մեծ շուքով անցկացնել Հ. Թումանյանի 150 ամյակը

Մարինե Ավագյանը ֆեյսբուքյան իր էջում գրում է.

Փետրվարի 19 -ին նշվելու է հայ մեծ բանաստեղծ Հովհաննես Թումանյանի հարյուր հիսուն ամյակը: Այս առիթով Դսեղ էր այցելել ԲՀԿ նախագահ Գագիկ Ծառուկյանը: Ինչպես հայտնի է շատերին, Գագիկ Ծոռուկյանը իր աջակցությունն է ցուցաբերում գրեթե բոլոր ոլորտներին, որտեղ զգացվում է այդ աջակցության կարիքը:
Նա այցելեց Հ. Թումանյանի տուն-թանգարան, տեղում ծանոթանալու թանգարանի խնդիրներին, և ինչպես միշտ բոլոր խնդիրները իր վրա վերցնելով, լուծումեր առաջարկեց: Թանգարանի տնօրենի հետ զրույցի արդյունքում պարզ դարձան, որ կան մի շարք շինարարական, վերանորոգման աշխատանքներ, որոնք Գագիկ Ծառուկյանի հանձնարարությամբ օրեր անց կկատարվեն ամբողջությամբ: Բոլորի կողմից սիրված, հայ մեծ բանաստեղծ Հ. Թումանյանի հարյուր հիսուն ամյակը նրան արժանի կերպով՝ բարձր մակարդակով կազմակերպելու և անցկացնելու համար Գագիկ Ծառուկյանը խոստացավ այդ միջոցառումների կազմակերպումը ամբողջությամբ վերցնել իր վրա:
Ինչպես միշտ Գագիկ Ծառուկյանը շրջեց գյուղում՝ ծանոթանալու համայնքային խնդիրներին, և նա չէր կաորղ իր նպաստը չբերել հասարակ բնակչությանը ևս: Տեր Սեպուհ սրբազանը ներկայացրեց Հաղպատի վանքի վերանորոգման խնդիրը, ինչին ևս Ծառուկյանը խոստացավ աջակցել: Բոլորին քաջ հայտնի է Ծառուկյանի վերաբերմունքը հատկապես սպորտի նկատմամբ, ուստի լսելով Դսեղի մարզադպրոցի խնդիրների մասին, նա պատրաստակամություն հայտնեց ամբողջությամբ վերանորոգել գյուղի մարզադպրոցը և հագեցնել այն անհրաժեշտ մարզական գույքով :