Մարտի 1-ի մեղավորներին խստորեն պատժելը այլընտրանք չունի

Գարիկ Գասպարյանը ֆեյսբուքյան իր էջում գրում է.

Մարտի 1-ը Հայաստանի պատմության ամենաամոթալի և միևնույն ժամանակ ողբերգական էջերից է, որի արդյունքը 10 անմեղ զոհերն են: Հայտնի դեպքերի մեղավորները առայսօր չեն պատժվել, չնայած քննչական մարմինները զբաղվում են այդ գործընթացով:
Հասկանալի է, որ դրա հետ կապված Մարտի 1-ի թեման լրատվադաշտում շրջանառվող կարևորագույն թեմաներից է, և այսօր լրագրողները առիթը բաց չեն թողնում այս կամ այն գործչի կարծիքը իմանալու համար հայտնի դեպքերի մասին:
Վերջերս Գգաիկ Ծառուկյանը անդրադարձել էր Մարտի 1-ի դեպքերին իր կապի մասին անհիմն լուրերին և ասել, որ եթե ինքը կապ ունի Մարտի 1-ի դեպքերի հետ, թող իրեն հրապարակային գնդակահարեն: Սա բոլոր հարցերին սպառիչ պատասխանն էր:
Երեկ լրագրողները նույն հարցը տվեցին Գագիկ Ծառուկյանին՝ Հովիկ Աբրահամյանի մասով, որին Ծառուկյանը պատասխանեց նույն կերպ, նշելով, որ եթե Հովիկ Աբրահամյանը կապ ունի Մարտի 1-ի հետ, ապա նա նույնպես պատրաստ է որ իրեն հրապարակային գնդակահարեն:
Չնայած որոշ լրատվամիջոցներ փորձեցին շահարկել Ծառուկյանի խոսքերը, բայց կարծում ենք Ծառուկյանի պատասխանը սպառիչ է և այն անգամ մեծ ցանկության դեպքում հնարավոր չէ այլ լույսի ներքո մեկնաբանել: Ծառուկյանի պատասխանը մեկն է. եթե որևէ մեկը, կապ չունի ով, ունի որևէ կապ Մարտի 1-ի արյունալի իրադարձությունների հետ, ապա նա պետք է արժանանա ամենախիստ պատժին և դա այլընտրանք չունի:
Ծառուկյանի այս խոսքերը ոչ միայն տվեցին բոլոր հարցերի պատասխանը, այլ նաև կանխեցին դրանք շահարկելու բոլոր փորձերը: