Երևանում անցկացվել է համաքաղաքային շաբաթօրյակ
Վաղ առավոտյան մեկնարկած համապետական շաբաթօրյակի հետ միաժամանակ մայրաքաղաքում անցկացվել է նաև համաքաղաքայինը, որին մասնակցել են Երևանի քաղաքապետարանի և վարչական շրջանների աշխատակազմերը, քաղաքապետարանի ենթակա կառույցների, պետական և մասնավոր կառույցների աշխատակիցներ, ուսանողներ, հասարակական կազմակերպությունների ներկայացուցիչներ, բնակիչներ:
Ինչպես «Արմենպրես»-ին տեղեկացրին Երևանի քաղաքապետարանի տեղեկատվության և հասարակայնության հետ կապերի վարչությունից, համաքաղաքային շաբաթօրյակին մասնացել է նաև Երևանի քաղաքապետի առաջին տեղակալ, քաղաքապետի պաշտոնակատար Կամո Արեյանը, ով, կարևորելով նմանատիպ շաբաթօրյակների պարբերաբար անցկացումը, նշել է, որ դա ոչ միայն նպաստում է քաղաքն ավելի մաքուր պահելու գործին, այլ նաև կրում է դաստիարակչական բնույթ՝ քաղաքացու մեջ սերմանելով սեփական քաղաքի հանդեպ սեր և հոգատարություն:
Շաբաթօրյակի ընթացքում մեծածավալ սանմաքրման աշխատանքներ են իրականացվել մայրաքաղաքի բոլոր վարչական շրջանների բակերում, այգիներում, պուրակներում, անտառային տարածքներում, պողոտաներում, փողոցներում, հրապարակներում, դպրոցներում, ինչպես նաև հանրային նշանակության այլ կառույցների հարակից տարածքներում:
Շաբաթօրյակի մասնակիցներն ապահովված են եղել բահերով, դույլերով, ձեռնոցներով և այլ անհրաժեշտ իրերով: Որոշ հատվածներում կիրառվել է նաև ծանր տեխնիկա, իսկ առավել դժվարամատչելի հատվածները մաքրվել են ԱԻՆ փրկարար ծառայության աշխատակիցների ուժերով:
Կազմակերպիչները հատուկ ուշադրություն են դարձրել աղբ թափելու համար չնախատեսված այն նայրերին, որոնք որոշ քաղաքացիների անբարեխիղճ վերաբերմունքի պատճառով վերածվել են մշտական աղբավայրերի:
Երևանի քաղաքապետարանի աշխատակազմի կոմունալ տնտեսության վարչության տվյալներով՝ շաբաթօրյակին ներգրավված է եղել ընդհանուր առմամբ 80 միավոր տարբեր նշանակության տեխնիկա, աղբավայր է տեղափոխվել շուրջ 350 տոննա աղբ, այդ թվում՝ քաղաքացիների կողմից շքամուտքերին կից հատվածներում և աղբամանների մոտ թողած անօգտագործելի գույք և կոշտ թափոններ:
Փոքրիկ խմբակի առաջնորդի հրահանգով տարբեր կառույցներ խոշորացույցով քրքրում են Նարեկ Կարապետյանի «դոսյ...
Անուշավան Սրբազան, լսիր այս խոսքերդ, հիշիր ասածներդ, ու զզվիր ինքդ քեզնից. Դավիթ Սարգսյան
«Առաջարկ Հայաստանին» երիտասարդական մրցույթին ներկայացված լավագույն նախագծերը, ակտիվ մշակման փուլում ...
Կարգալույծ սարկավագի հուսահատ խոստովանությունը
Գիտեր, որ կխփեմ նավթամուղին, գիտեի՞ք, որ նախարարի պաշտոնից դրա համար հանեցին
Փաշինյանը մերժել է ռուսական մասնակցությունը «Թրամփի ուղուն»
Ճշմարտության գինն այսօր հալածանքն է․ Հովհաննես Իշխանյան
2025թ. ԶՊՄԿ-ի համար առաջընթացի տարի էր
Սամվել Կարապետյանի նվերը Գյումրիին․ նույնիսկ խավարին հնարավոր է լուսավորել ձեր սրտերը
ՊԵԿ-ը պարզաբանում է ներկայացրել «Ժողովուրդ» օրաթերթի հոդվածում ներկայացված պնդումների վերաբերյալ
