Վստահելով Գ. Ծառուկյանին՝ ՏՏ ոլորտի 2000 մասնագետներ կտեղափոխվեն Հայաստան

Լենա Ավետիսյանը ֆեյսբուքյան իր էջում գրում է.

ՏՏ ոլորտը Հայաստանում ամենաարագ զարգացող ոլորտերից է, բայց դժվար թե այն զարգանա առանց որևէ մեկի աջակցության։

ՏՏ ոլորտի զարգացման ուզզությամբ հստակ քայլեր է կատարում Գագիկ Ծառուկյանը։ Մոտ մեկ ամիս առաջ Հայաստան էր եկել «ՕՄՆԻԱ ԹԵՔ» ընկերության պատվիրակությանը։ Նրանք որոշել են վաճառել Ավստրիայում և Շվեդիայում գործող իրենց մայնինգ ֆերմաները և ամբողջությամբ տեղափոխվել Հայաստան՝ մեր երկրում ստեղծելու BITCOIN արտադրող խոշորագույն մայնինգ ֆերման։ Դե իհարկե այդ որոշման հիմք էր հանդիսացել այն վստահությունը, որը նրանք տածում են Ծառուկյանի նկատմամբ։

Սակայն խոշորագույն մայնինգ ֆերմա ստեղծելու գաղափարը անտարբեր չթողեց այս ոլորտում այլ աշխատող գործարարներին։ Նրանցից առաջինը, ով ցանկություն հայտնեց միանալ այս նախագծին Հարավ-կորեացի խոշոր գործարար Դենիել Քոն է։ Նա պատրաստվում է խոշոր ներդրումներ կատարել Հայաստանում, ՏՏ ոլորտը զարգացնելու համար։ Մոտ երկու ամսից Հայաստան կգան արտասահմանցի գործարարներ, ինովացիոն տեխնոլոգիաներով զբաղվող առաջատար մասնագետներ՝ 2000 մարդ, խոշորագույն մայնինգ ֆերմայում աշխատելու համար, ովքեր Գագիկ Ծառուկյանի առաջարկով կապրեն Նորքի բարձրավանդակում կառուցված բազմաբնակարան համալիրում։

Պատկերացնել անգամ անհնար է, թե ինչ տեմպերով է զարգանալու ՏՏ ոլորտը, երբ տարբեր երկրներից Հայաստան գան ոլորտի լավագույն 2000 մասնագետները։ Բացի ոլորտի զարգացումից, այս մասնագետները բազմաթիվ այլ դրական տեղաշարժեր են ապահովվելու մեր երկրի համար։

Կարծում ենք, այս ամենը չէր լինի առանց այն վստահության, որ օտարերկրյա գործարարները ունեն Գագիկ Ծառուկյանի նկատմամբ։ Միայն վստահությունն է, որ մեր երկիր է բերում հսկայածավալ ներդրումներ։ Հանդիպման ընթացքում Ծառուկյանը վստահեցրել է, որ պատասխանատու է կատարած յուրաքանչյուր ներդրման համար։

Ծառուկյանի նմանօրինակ քայլերի հաջորդականությունն ու շարունակականությունը առիթ է տալիս հավաստելու, որ սա ոչ առաջին և ոչ էլ վերջին խոշորածավալ ներդրումը չէ, առաջիկայում դեռ շատ առիթներ ենք ունենալու հպարտանալու և ուրախանալու այսօրինակ լուրեր լսելով: