Մի շարք լրատվամիջոցների կողմից ԲՀԿ-ին պառակտված տեսնելու երազանքը այդպես էլ անկատար կմնա

Սևակ Բրուտյանը ֆեյսբուքյան իր էջում գրում է.

Վերջին օրերին Երևանի ավագանու ընտրությանը մասնակցող կուսակցությունները հանդես են գալիս հայտարարություններով, թե ովքեր են գլխավորելու իրենց նախընտրական ցուցակը։ Բնականաբար, կարծիքները տարբեր են ինչպես հասարակության մեջ, այնպես էլ կուսակցության ներսում, բայց որոշումները կատարվում են մեծամասնության կարծիքը հաշվի առնելով։

Ինչպես գիտեք , երեկ՝ օգոստոսի 2-ին, քաղխորհրդի նիստից հետո ԲՀԿ խմբակցությունը հանդես եկավ հայտարարությամբ, որ Երևանի քաղաքապետի պաշտոնում առաջադրում է Նաիրա Զոհրաբյանի թեկնածությունը։ Նաիրա Զոհրաբյանի թեկնածությունը ընդունվեց ԲՀԿ քաղխորհրդի կողմից միաձայն, բաց և հրապարակային քվեարկության արդունքում:

Երեկոյան ԲՀԿ խմբակցության պատգամավոր Գևորգ Պետրոսյանն իր ֆեյսբուքյան էջում արտահայտեց անձնական կարծիք, որ քաղաքապետի պաշտոնում Նաիրա Զոհրաբյանին իր կողմից պատկերացնելը դժվար է։ Ցանկացած մարդ կարծիք արտահայտելու իր իրավունքը ունի, հատկապես մի երկրում ուր անընդհատ խոսվում է ժողովրդավարության, խոսքի ազատության մասին, բայց արի ու տես որ մարդու անձնական կարծիքը դառնում է մի շարք ԶԼՄ-ների երևակայության խթանը, ովքեր այս գռարման տակ ԲՀԿ կուսակցության պառակտմա ենթատեքստ են տեսնում։

Այս անմիտ հայտարարությունները հնչեցվում են՝ առանց հաշվի առնելու, որ ԲՀԿ կուսակցության կազմում գտնվող քաղաքական գործիչները, պատգամավորները, Կառավարության անդամները, տարածքային կառույցների ղեկավարները միաձայն ընտրել են Նաիրա Զոհրաբյանին , իսկ անձնական կարծիքներ հնչեցնելու իրավունքը «դատավճիռ» հանդիսանալ չի կարող։ ԲՀԿ կուսակցությունը ինչպես ցանկացած, այնպես էլ այս ընտրություններին կմասնակցի միասնական թիմով, իսկ այս հարցի տակ այլ ենթատեքստեր փնտրելն առնվազն անմտություն է։

Ստորև ներկայացնում եմ տեսանյութը, որը ևս մեկ անգամ ապացուցում է, որ Նաիրա Զոհրաբյանն ընտրվել է քաղխորհրդի անդամների կողմից միաձայն՝ բաց և հրապարակային քվեարկության արդյունքում։