ԲՀԿ դիրքորոշումից «վառվածներն» անկանոն շարժումներ են սկսել
Մանե Առաքելյանը ֆեյսբուքյան իր էջում գրում է.
ՀՀ երկրորդ նախագահ Ռոբերտ Քոչարյանին մեղադրանք է առաջադրվել: Սա գործի իրավական կողմն է: Այստեղ քաղաքական կողմ փնտրելը անշնորհակալ գործ կլիներ: Սույն գործընթացում քաղաքական միակ ցանկալի երևույթը քաղաքական կամքն է՝ գործընթացը հենց իրավական հարթությունում էլ պահելու համար:
Հայաստանի ներքաղաքական դաշտը սկզբից ևեթ զգուշավոր արձագանքեց մարտի 1-ի քննության նոր շրջադարձին գնահատականներ տալուն: Քաղաքական գործիչների մի ստվար զանգված ուղղակի խուսափեց հարցազրույցներից՝ հույսը դնելով կուսակցական հայտարարությունների վրա, մյուս մասը գերադասեց արտահայտվել սոցիալական ցանցերում: Հրապարակավ կարծիք արտահայտողները շտապում են հստակեցնել՝ շուտ է քաղաքական գնահատականներ տալու համար: Ինչպես նշեցի, այս գործի առնչությամբ քաղաքական գնահատականներ հնչեցնել առհասարակ չարժե: Քաղաքական «աքլորությունը» այս պարագայում բացարձակ անտեղին է, գործը պետք է քննվի բացառապես իրավական հարթությունում, այլապես դա նմանվում է «ընկած եզի և շատացող դանակավորների» հայտնի առածին: Թույլ տվեք նշել, որ մինչ այս պահը նման պրոֆեսիոնալ պահվածքով հանդես է եկել միայն ԲՀԿ-ն և միայն ԲՀԿ-ի քաղաքական ծանր հրետանին կազմող դեմքերը հայտարարեցին, որ զերծ են մնալու մեկնաբանություններից, քանզի սա քաղաքական գործընթաց չէ:
Շատ ենք խոսել մեր որոշ ԶԼՄ-ների ապակառուցողական պահվածքի մասին, ովքեր նրբագույն մոտեցում պահանջող գործընթացների շուրջ անգամ չեն խորշում կատեգորիկ հայտարարություններ անել՝ սադրիչ պատասխաններ կորզելու անթաքույց ցանկությամբ:
Այժմ էլ, որոշ լրատվականներ ԲՀԿ-ին մեղադրում են չեզոքության մեջ: Հասկանու՞մ եք, կուսակցությանը մեղադրում են պարզապես ճիշտ կեցվածք ունենալու համար: Մոռանում ենք, որ կուսակցությունը ֆեյսբուքյան ինչ-որ հարթակ չէ, որտեղ իրենց կարող են թույլ տալ կիսվել ծաղրանկարներով, սուր արտահայտություններով, քննադատություններով և նույնիսկ հայհոյանքներով: Հասկանալի է, որ հասարակական լայն շերտերի «սիրտը հիմա դա է հովացնում», բայց ԱԺ-ում 2-րդ կուսակցությանը և դե ֆակտո իշխանության մեջ պորտֆելներ ունեցող կուսակցությանը հրահրել, որ իջնի ֆեյսբուքյան հարթակի մակարդակի, ներեցեք, բայց նոնսենս է:
Վերոնշյալ լրատվականներն ու ֆեյսբուքյան «վառված» մասսան, լավ կանեն հանրօգուտ գործով զբաղվեն, այլ ոչ թե հանրությանն ապակողմնորոշելու և իրականությունը խեղելու գործին տրվեն:
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկ...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
