Mamul.am-ը հերթական անգամ ապացուցում է իր ողորմելի էությունը

Պետրոս Կոստանյանը ֆեյբուքյան իր էջում գրում է.

Եթե մի էժանագին կայք ինչ-որ գործչի մասին ուղղորդված ապատեղեկատվություն է տարածում, ընդ որում դա անում է պարբերաբար, ապա կամ գործ ունենք պատվերով աշխատանքի, կամ սեփական ոչնչության վրա մի կերպ ուշադրություն գրավելու ձգտման հետ:

Հայաստանում նման լրատվական կայքերը շատ են, դա է պատճառը, որ դաշտը լցված է լրատվաաղբով: Եվ այդ աղբաստեղծ գործում իր մեծ ներդրումը ունի նաև Mamul.am կոչվող կայքը:

Օրինակ այս կայքը այսօր գրել է, որ ժամանակին Գագիկ Ծառոկյանը 1000 «Նիվա» մակնիշի ավտոմեքենա է ներկրել և իրեն պատկանող գազալցակայանների աշխատակիցներին ստիպել է գնել այդ ավտոմեքենաները՝ հետագայում նրանց աշխատավարձից պահումներ անելով, ընդ որում վաճառել է շուկայականից ավելի թանկ գնով: Այս ամենը, իբր, տեղի է ունեցել 2011-2014 թվականներին:

Ավելի լկտի սուտ դժվար է հորինել:

Հասկանալի է, որ Գագիկ Ծառուկյանի բարձր վարկանիշը որոշ շրջանակների հանգիստ չի տալիս և նրանք իրենց պատկանող կայքերի միջոցով նմանատիպ ստեր լցնելով ուզում են ազդել Ծառուկյանի վրա: Հայտնի է, թե ովքեր են կանգնած այս ամենի հետևում, բայց նրանք չեն հաշվարկել, որ նման կայքերը, որոնք ավելի շատ աղբ են հիշեցնում, քան կայք (բավական է մտնեք Mamul.am կայք և ձեզ ստիպեք մի 10 րոպե մնալ այդ կայքում և ինքներդ կզգաք դա), չեն կարող կարծիք ձևավորել, առավել ևս ազդել մեծ հեղինակություն վայելող գործչի վարկանիշի վրա:

Պարզ է, որ Mamul.am-ը փորձում է գոյատևել և պատրաստ է աշխատել անգամ իր դիմաց շպրտած մի քանի կոպեկի համար: Սակայն եթե Mamul.am-ը չկարողացավ գեթ մեկ հոգու ներկայացնել, ով կապացուցի այս լկտի սուտը, ապա պետք է կամ հրապարակավ ներողություն խնդրի նման ստեր հրապարակելու և հայտնի գործչին զրպարտելու համար, կամ պետք է պատրաստ լինի դատարանում օրենքի առաջ ամենախիստ պատասխանատվությունը կրել:

Սա այն դեպքերից է, որ պետք է այս ստախոսների գրպանին կպնել, որպեսզի նրանք վերջ տան այս ողորմելի գործելաոճին:

Ի դեպ, Mamul.am-ը նաև իրեն վերապահել է իրապահ մարմնի գործառույթ՝ կոչ անելով բոլոր անձանց, ովքեր նախկինում առնչվել են նմանատիպ երևույթների հետ, գրել իրենց: Իսկ եթե ոմանց խելքին փչի ստեր գրել, կամ զրպարտել այլ գործիչների իերցն հորինած պատմություններով, այս կայքը պաստրա՞ստ է հետագայում կրել պատասխանատվություն այլոց զրպարտությունը հրապարակելու համար:

Հարգելի ընթերցողներ, տարբերեք իրական լրատվությունը ակնհայտ ուղղորդված սուտից, տարբերակեք իրական լրտավական կայքերը վերոնշյալ լրատվական աղբից, որոնց նպատակը մարդկանց ապակողմնորոշելը, ստեր տարածելով հայտնի գործիչների բարի համբավը արատավորելն է: