Գագիկ Ծառուկյանը «սինգապուրյան հրաշքը» իրագործելու գործնական քայլեր է անում
Շավարշ Բզնունյանը ֆեյսբուքյան իր էջում գրում է.
Նոր Հայաստանը, որքան էլ այսօր ապրի հեղափոխական տրամադրություններով և ապագայի մասին դրական պատկերացումներով, միևնույն է այսօր նույնպես, ինչպես նախորդ իշխանությունների օրոք, ունի արտաքին ներդրումների և արտասահմանյան գործընկերների հետ տնտեսական հարաբերությունների կարիք: Տնտեսության զարգացման համար պետք է ոչ միայն կոռուպցիայի դեմ պայքար, ինչը իհարկե նույնպես կարևոր է, այլ տնտեսական ծրագիր, որը Հայաստանը կարող է հետաքրքիր և գրավիչ դարձնել օտարերկրյա ներդրողների համար: Այս առումով հատկապես կարևոր է տնտեսական հրաշք գրանցած «ասիական վագր» Սինգապուրի հետ հարաբերությունների մեկնարկն ու զարգացումը:
Հենց այդ գիտակցումով է ԲՀԿ նախագահ Գագիկ Ծառուկյանը գործնական քայլեր կատարում հայ-սինգապուրյանն հարաբերությունները զարգացնելու համար: Հուլիսի 13-15-ը Գագիկ Ծառուկյանի նախաձեռնությամբ Հայաստանում էր Սինգապուրից ժամանած մեծ պատվիրակությունը, որի կազմում էին հայտնի քաղաքական գործիչներ, խորհրդարանի պատգամավորներ, իրավական-տնտեսական-ֆինանսական ոլորտի փորձագետներ, գիտնականներ:
Նրանք ժամանել էին ԲՀԿ-ի հետ առավել սերտ համագործակցության և նոր կապեր ստեղծելու, ինչպես նաև Հայաստանի բզինես-ենթակառուցվածքներին և ներդրումային իրավիճակին ծանոթանալու համար: Այս առումով ճանաչողական շրջայցերին հաջորդեց ««Արդյունավետ կառավարում և առաջնորդություն, Սինգապուրի փորձը» հայ-սինգապուրյան համաժողովը, որին հայկական կողմից մասնակցվում էին պատգամավորներ, Կառավարության անդամներ, փորձագետներ:
Իր խոսում Գագիկ Ծառուկյանը անդրադարձավ Լի Քվան Յուի «սինգապուրյան հրաշքին», որը ամբողջությամբ հիմնված էր վստահության սկզբունքի վրա, և կարևորեց հենց վստահության սկզբունքի տեղայնացումը Հայաստանում, քանի որ միայն վստահության վրա հիմված ռազմավարությունը կարող է բերել Հայաստանում տնտեսության թռիչքաձև զարգացման:
Սինգապուրյան հրաշքի մասին Հայաստանում շատ են խոսել և երազել: Բավական է միայն հիշել, որ նախորդ Կառավարության լեքսիկոնում դա ամենահաճախ հանդիպող ուղենիշներից և նպատակներից էր: Սակայն բոլորս էլ համոզվեցինք, որ գեղեցիկ խոսքերից ու կենացներից բացի ուրիշ ոչ մի գործնական քայլ չարվեց այդ ուղղությամբ:
Այսօր Գագիկ Ծառուկյանը այդ ամենը վերածում է իրական գործի: Հայաստան է ժամանում սինգապուրյան մեծ պատվիրակություն, որը հիմք է դնում հետագա մեծ համագործակցության համար, ինչը կարող է մեծ ներդրումներ բերել հայկական տնտեսությունում: Այսպիսով ԲՀԿ նախագահը իր մեծ ներդրումն է ունենում ոչ միայն Հայաստանի տնտեսության զարգացման դժվարին գործում, այլ նաև նշանակալի քայլեր է անում հայ-սինգապուրյան հարաբերությունների զարգացման համար:
Փոքրիկ խմբակի առաջնորդի հրահանգով տարբեր կառույցներ խոշորացույցով քրքրում են Նարեկ Կարապետյանի «դոսյ...
Անուշավան Սրբազան, լսիր այս խոսքերդ, հիշիր ասածներդ, ու զզվիր ինքդ քեզնից. Դավիթ Սարգսյան
«Առաջարկ Հայաստանին» երիտասարդական մրցույթին ներկայացված լավագույն նախագծերը, ակտիվ մշակման փուլում ...
Կարգալույծ սարկավագի հուսահատ խոստովանությունը
Գիտեր, որ կխփեմ նավթամուղին, գիտեի՞ք, որ նախարարի պաշտոնից դրա համար հանեցին
Փաշինյանը մերժել է ռուսական մասնակցությունը «Թրամփի ուղուն»
Ճշմարտության գինն այսօր հալածանքն է․ Հովհաննես Իշխանյան
2025թ. ԶՊՄԿ-ի համար առաջընթացի տարի էր
Սամվել Կարապետյանի նվերը Գյումրիին․ նույնիսկ խավարին հնարավոր է լուսավորել ձեր սրտերը
ՊԵԿ-ը պարզաբանում է ներկայացրել «Ժողովուրդ» օրաթերթի հոդվածում ներկայացված պնդումների վերաբերյալ
