Վտանգավոր հիստերիա
Ոչ թե Մայր աթոռի կամ կաթողիկոսի, այլ հենց Հայ առաքելական եկեղեցու շուրջ կրքերը չեն հանդարտվում: Իշխանափոխությունից հետո հետևողականորեն իրականացվում են քայլեր, որոնք ոչ միայն մտահոգիչ են, այլև մութ կասկածներ են առաջացնում, որ ուղղորդված են մի հստակ կենտրոնից: Նախ, միանգամից ակտիվացան մարդիկ, ովքեր վստահ են, որ դպրոցական ծրագրերից պետք է հանել «Հայ եկեղեցու պատմություն» առարկան: Քննարկումը բովանդակային կլիներ, եթե հիմնական պատճառաբանությունը չլիներ, թե ինչու են երեխաներին ստիպում ուսումնասիրել Հայ առաքելական եկեղեցու պատմությունը, գուցե նա աթեիստ է կամ... աղանդավոր: Այս տրամաբանությամբ՝ ինչո՞ւ դպրոցներում չարգելել պատմության բոլոր դասագրքերը, առավելագույնը՝ թողնել միայն թավշյա հեղափոխության պատմությունը: Լավ, գաղափար չհուշենք: Դրան հաջորդեցին անհնազանդությունները Կաթողիկոսի դեմ և հունանավետիսյանական ոճով աղանդավոր պաշտոնյաներին «կրծքով» պաշտպանելու մոլեռանդ քայլերը, թե բա՝ մեր երկրում խղճի ու հավատի ազատություն է: Ասել ասողը՝ իյա, իրո՞ք... Քար ու կրակ պաշտեք, կով պաշտեք, ինչ ուզում եք պաշտեք, բայց մի մոռացեք, որ Հայաստանի Հանրապետությունը ճանաչում է Հայաստանյայց Առաքելական Սուրբ Եկեղեցին` որպես ազգային եկեղեցի: Սա մեկ, երկրորդ՝ հարցը սոսկ հավատը չէ, այլ ազգային անվտանգության խնդիրները: Իսկ մի խումբ անհասկանալի կորյունների գործողությունները, որոնց արդեն անդրադարձել ենք, այս շղթայի ուղղակի շարունակությունն են: Մի առիթով նշել էինք, թե հույս ունենք, որ այս «շարժումը» չի ուղղորդվում նոր իշխանությունների կողմից: Բայց այն, որ այս խառն օրերին պաշտոնի է նշանակվում մի խմբի ղեկավարը, որի՝ Մայր Աթոռում ակցիաների ժամանակ ոստիկանությունը թմրանյութ է հայտնաբերել, որը հայտնի է իր անհավասարակշիռ պահվածքով ու լեքսիկոնով, ուղղակի ապշեցնում է:
Ասել, թե եկեղեցականները մեղք չունեն այս ամենում, նշանակում է ոչինչ չասել: Հենց միայն բարձրաստիճան քահանաներից մեկի երեկվա հիստերիկ, սադրիչ պահվածքն ինչ ասես արժե: Եվ ընդհանրապես բոլոր այն արատները, որոնց մասին տեղյակ ենք, ոչ պակաս հարված են հասցրել ու հասցնում եկեղեցու հիմքերին: Բայց այս ամենը ներքին լուծելիքներ են: Դրսից հրահրումների դեմն օր առաջ է պետք առնել...
Աղասի Մարգարյան
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
Այսօր ես խոսելու եմ մի ճշմարտության մասին, որը տարիներ շարունակ փորձել են լռեցնել, ծաղրել կամ քողարկ...
Էլեկտրաէներգիայի անջատումներ Երևանի 7 վարչական շրջաններում և բոլոր 10 մարզերում
Արտաշատում մսամթերքի արտադրամասի գործունեություն է կասեցվել
