Ի դեմս Hayastan24.com կայքի՝ գործ ունենք սովորական ստախոսների խմբակի հետ

Շավարշ Բզնունյանն իր ֆեյսբուքյան էջում գրում է.

Այսօր ինչ-որ Hayastan24.com կայք ինչ-որ տեսանյութ էր սարքել ԲՀԿ-ի մասին, որը ավելի շուտ ստերի շարան էր, քան տեսանյութ։ Ստերը հաջորդում էին մեկը մյուսին, որոնց միակ նպատակը ԲՀԿ-ին և նրա առաջնորդ Գագիկ Ծառուկյանին փնովելն էր։ Դրանց բոլորին անդրադառնալու իմաստ էլ չկա, քանի որ ակնհայտ սուտը հերքելը ժամանակի անիմաստ կորուստ է միայն։ Նշենք սակայն դրանցից ամենաականառուներից մեկը։ Այսպես այդ տեսանյութոմ ասվում է, թե իբր Վյաչեսլավ Հարությունովը, որը վերջերս հայտնվել է լրատվամիջոցների ուշադրության կոնտրոնում հայտնի միջադեպի արդյեւնքում, Օլիմպավանում Գագիկ Ծառուկյանի և բռնցքամարտի ֆեդերացիայի անդամների հետ հանդիպման բարձրաձայնել էր իր բռնցքամարտի չեմպիոն որդու՝ հետախուզման մեջ գտնվելու խնդրի մասին և այդ հարցով դիմել էր Գագիկ Ծառուկյանին, ինչից հետո նրան անմիջապես դուրս են հրավիրել և ծեծի ենթարկել;

Նախ ծեծ ընդհանրապես չի եղել, ինչը մի քանի անգամ հաստատել է հենց ինքը, Հարությունովը, և այս առումով Hayastan24.com-ի ասածը ուղղակի զրպարտություն է։ Բայց ուշագրավ է մեկ այլ հանգամանք․ այս տեսանյութում պարզ երևում է, որ Հարությունովը և Գագիկ Ծառուկյանը բռցքամարտի ֆեդերացիայի անդամների հետ հանդիպումից հետո դուրս են եկել շենքից, երկար ժամանակ կանգնած զրուցել, քայլել իրար հետ, միասին քննարկել ինչ-որ հարցեր, և այդ ամենը եղել է բացառապես խաղաղ և ջերմ մթնոլորտում, ինչը երևում է այս տեսանյութի կադրերում, և ինչը միանգամից ապացուցւոմ է, որ Hayastan24.com-ի կողմից ասվածը ուղղակի սուտ է, կեղծիք կամ զրպրատություն, անվանեք ինչպես ուզում եք։

Մեր կողմից միայն մի բան կավելացնենք․ ստի կյանքը 40 օր է, և ցանկացած սուտ ի վերջո բացահայտվում է․ այս տեսանյութը բացահայտում է, որ ի դեմս Hayastan24.com կայքի գործ ունենք սովորական ստախոսների խմբակի հետ, որոնք խեղաթյուրելով ակնհայտ փաստերն ու իրականությունը, որոնք անգամ ֆիքսված են տեսախցիկով, փորձում են վատ սարքած սուտը ներկայացնել որպես իրականություն։