Հասարակությանը փորձ է արվում հրամցնել հերթական կեղծ ինֆորմացիան

Մինաս Ասատուրի Խանջյանը ֆեյսբուքյան իր էջում գրում է.

Արձանագրենք զարմանալի մի փաստ։ Այս երկու օր է, ինչ «աբիժնիկության» մոլուցքով ախտահարված են ֆեյսբուքյան մի քանի օգտատերերի էջեր։ Որոնք իբրև թե արդարություն ու հավասարություն քարոզելու «ազնիվ» մղումներով, փորձում են ապատեղեկատվությամբ սխալ ֆոն ստեղծել առ այն, որ դեռ մնացել են նոր Հայաստանում այնպիսի պաշտոնյաներ, որոնց զավակները օգտվում են որոշակի արտոնություններից ։ Անմիջապես անցնելով իրենց ուղղորդված բուն նպատակին, այն է ՝ Գագիկ Ծառուկյանին, գրում են, թե նրա որդին՝ Նվեր Ծառուկյանը, բանակից «ազատվելու ջանքեր» է գործադրում սպորտի ոլորտում մեդալներ նվաճելու գնով։ Խախտելով անմեղության կանխավարկածն ու դրա էթիկան՝ փորձ է արվում սենցացիոն շոու ստանալ այնտեղ, որտեղ դրանց համար ոչ մի հիմք չկա։ Դե իսկ այս մտքից ոգևորված՝ որոշ կայքեր ևս սնուցվում են այս սին տեղեկություններով, ու դառնում սադրանքի շարքային մասնակիցներ։ Սակայն իրականությունը բոլորովին այլ է։ Ի գիտութոյւն բոլոր անտեղյակների՝ նշենք, որ Նվեր Ծառուկյանը դեռևս նախանցած տարվանից անվճար հիմունքներով սովորում է Հայաստանի պետական տնտեսագիտական համալսարանում և նա տարկետման համար սպորտով զբաղվելու կամ Սպորտի և երիտասարդաության հարցերի նախարարությանը տարկետման իրավունք ստանալու համար դիմելու կարիք բնավ չունի։ Քանի որ Նվեր Ծառուկյանը ցանկացած պարագայում մինչև 2021 թվականը ՀՀ օրենքով սահմանված կարգով ազատված է ժամկետային զինծառայութոյւնից։

Հետևաբար՝ օրինականության դաշտում լիարժեք տեղավորվող այս փաստերը բավարար են հասկանալու համար, որ այս ամենը ոչ այ ինչ է, թե ոչ՝ հերթական էժանագին սադրանքը, որը վերոնշյալ «աբիժնիկության» մոլուցքով տարվաժները հետևողական կերպով պարբերաբար փորձում են հրամցնել հասարակությանը, բայց, որոնք, ինչպես այս պարագայում կարճ կյանք են ունենում ու տապալվում։