Ինչ է եղել խորհրդավոր արկղերում. Իրավիճակը սրվում է
Lragir.am-ը գրում է.
Ազգային անվտանգության ծառայությունը հատուկ գործողություն է իրականացրել ՀՀԿ պատգամավոր գեներալ Մանվել Գրիգորյանի ամառանոցում, ինչպես նաեւ Արթուր Ասատրյանի՝ Դոն Պիպոյի առանձնատանը:
Վերջին օրերին Էջմիածնում անհանգիստ էր՝ Դոն Պիպոն բազմամարդ ցույցեր է կազմակերպել Մանվել Գրիգորյանի դեմ, պահանջելով նրա որդու՝ Էջմիածնի քաղաքապետ Կարեն Գրիգորյանի հրաժարականը:
Նիկոլ Փաշինյանը երեկ գրառում էր արել այս կապակցությամբ, ասելով, որ թույլ չեն տա թավշյա հեղափոխության խորհրդանիշների օգտագործումը մաֆիոզ պատերազմներում:
ԶԼՄ-ներում տեղեկություն եղավ, որ Մանվել Գրիգորյանի ընտանիքում խուճապ է՝ ըստ ականատեսների, առավոտյան Էջմիածնում Կարեն Գրիգորյանի տնից ինչ որ արկղեր են բարձել մեքենայի մեջ ու տարել Արցախ՝ Հադրութ, որտեղ Մանվել Գրիգորյանը տուն ունի:
Մանվել Գրիգորյանի բրիգադը պատերազմի տարիներին տեղակայված էր Հադրութում, եւ շատերի պնդմամբ՝ դա նրա համար լավ քող էր քաղաքական ու տնտեսական քվոտաների համար:
Ապրիլյան պատերազմը ցրեց Մանվել Գրիգորյանի ռազմական լեգենդը, նրան հիշեցրին նախկին մեղքերը եւ պահանջեցին հեռանալ Հադրութից:
Ի՞նչ արկղեր է նա փորձել տանել Հադրութ: Ըստ ամենայնի, դրանք փնտրում է նաեւ ԱԱԾ-ն: Ի՞նչ կա դրանց մեջ՝ զենք, փաստաթղթեր, փող…
Իր հերթին, Արցախում անհանգիստ վիճակ է: Երեկ Ստեփանակերտում տեղի է ունեցել հերթական հանրահավաքը Բակո Սահակյանի հրաժարականի պահանջով: Ոստիկանությունն արգելել է հանրահավաքի անցկացումը հրապարակում, այն տեղի է ունեցել կենտրոնական զբոսայգում: Առաջ են քաշվել կոնկրետ պահանջներ՝ նախագահի եւ ԱԺ նախագահի հրաժարական:
Երեկ ազատ է արձակվել Արցախի պաշտպանության նախկին նախարար Սամվել Բաբայանը: Նա արդեն ազատության մեջ հայտարարել է, որ իր Արցախ գնալը կախված է Հայաստանի իշխանությունների որոշումից, եւ նրանք, ովքեր կարծում են, թե ինքը կարող է գնալ ու ապակայունացնել իրավիճակը, ուրեմն ապուշ են:
Այսօր հայտնի է դարձել, որ Արցախ է մեկնում ՀՀ վարչապետ Նիկոլ Փաշինյանը:
Նոր ցուցադրությամբ եզրափակվեց Գեղարվեստական տպագրության Երևանյան Միջազգային Բիենալեն
Զելենսկու և Երմակի անունով օտարերկրյա անձնագրեր են հայտնաբերվել (լուսանկարներ)
Իրավական տեսանկյունից անհերքելի փաստ է, որ Սամվել Կարապետյանը ենթարկվում է ամենաինտենսիվ քաղաքական հ...
Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան
Դատարանի հրապարակած վճռով անվավեր է ճանաչվել ԵՊՀ ռեկտորի՝ աշխատակիցներից մեկին աշխատանքից ազատելու հ...
Փաշինյանը հատեց վտանգավոր սահմանագիծը․ Ռուսաստանի թեմը՝ Հայ առաքելական Սուրբ Եկեղեցու միացյալ կենտրո...
Քաղաքական ճգնաժամի նոր փուլ․ ինչի հետևանք է Վաշինգտոնի հուշագիրը
Կարապետյանական ոճը սա է․ անդրադարձ Լոռու մարզի ամենամեծ ծննդատանը
Հատկապես սահմանամերձ համայնքներում դպրոց փակելը հավասարազոր է գյուղը դատարկելու կանաչ լույսին․ Մարիա...
«Մեր ձևով»-ը ՔՊ-ի համար լուրջ խնդիրներ է ստեղծում՝ ինչը բնականաբար լավ է․ Գառնիկ Դավթյան
