Երբեմնի «թունդ» քաղտեխնոլոգները հոգեվարքի մեջ են...

Մովսես Վարդանյանը ֆեյսբուքյան իր էջում գրում է.

Առնվազն պետք է լինել տկարամիտ ու քաղաքականապես տգետ, որ քաղաքական թիմի կողմից հնչեցված պարզ ու ադեկվատության բոլոր չափանիշներին համապատասխանող հայտարարությունը՝ այն է արտահերթ ընտրություններին ԲՀԿ-ն հավակնում է հաղթանակի և գնալու է առավելագույն արդյունք ապահովելու ճանապարհով, փորձել մեկնաբանել այլ շղարշի տակ:

Իսկ այս գործին ձեռնամուխ եղածներն էլ, ոչ պակաս ոչ ավել ՀՀԿ-ականամերձ սուտի քաղտեխնոլոգներն և քաղաքագետներն են,ովքեր կորցնելով քուն ու դադար փորձում են կախվել փրփուրներից, ավելի վատ ու զավեշտալի վիճակի մեջ դնելով իրենց և իրենց սուտի «կոչումները»:

Իսկ պարզ տրամաբանությունը հետևյալն է, ինչպես կարող է ցանկացած քաղաքական ուժ, որը մասնակցում է արտահերթ թե հերթական ընտրություններին ունենա պարտվելու հավակնություն:Անկասկած քաղաքական ուժերից յուրաքանչյուրն էլ մասնակցում է ընտրություններին հաղթելու ակնկալիքով, հակառակ պարագայում կարելի շատ մեծ կասկածի տակ դնել տվյալ քաղաքական ուժի ճակատագիրը:

Եվ այս կոնտեքստում Բարգավաճ Հայաստան կուսակցությունը բավարար հիմքեր ունի նման նշաձող իր առջև դնելու համար, քանի որ թե՛ կուսակցությունը, թե՛ կուսակցության ղեկավար Գագիկ Ծառուկյանը վայելում են հարգանք ու վստահություն ժողովրդի լայն շրջանակներում։

Բնականաբար այս պարզ ճշմարտության մասին գիտեն նաև իրավիճակը խեղաթյուրել փորձողները:Սակայն նրանք, այլ առաքելությամբ են օժտել իրենց վերջին օրերին, այն է այժմյան այսպես ասած ազգային համաձայնության կառավարության քաղաքական ուժերի ներկայացուցիչների յուրաքանչյուր հայտարարությունը ձևախեղելով ցույց տալ կողմերին թե այդպիսի հայատրարություններից հետո ինչպես կարող են համագործակցել Ծառուկյանն ու Փաշինյանը:

Անկեղծ ասած այս մեխանիզմը այնքան էժան և պրիմիտիվ ժանրից է, որ գիտակից մարդու մոտ մեկ հարց է առաջացնում ՝ ժամանակին իրենց թունդ քաղաքագետներ հռչակածների միտքն այդքան տկար է, թե՞ նրանք պարզապես հոգեվարքի մեջ են՝ դրանով իսկ վերստին անգամ հաստատելով, որ գնացողների երգն արդեն երգված է:
Մեկ բան սակայն ակնառու է, այս հայտարարությունը որպես "ձեռնոց նետել" ներկայացնելով Գագիկ Ծառուկյանի ղեկավարած քաղաքական թիմի կողմից առ Նիկոլ Փաշինյան՝ վերահաստատում է, որ սա Ծառուկյանի և Փաշինյանի միավորման և համագործակցության միջև սեպ խրելու շղթայական գործընթացի հերթական փորձերից մեկն է, որն անմիջապես աչքի զարնվեց հատկապես, երբ այդ ամենն արվում է քաղհասարակությանը վաղուց հայտնի ժողգործինքերի միջոցով:

Հ.Գ.Ընտրություններում առավելագույն նշաձող դնելու հայտարարությունը, որը շինծու իրարանցում է առաջացրել համացանցում, մամուլում և նախկին իշխանականների "խոսնակ-քաղտեխնոլոգների", ինչպես նաև սպասարկու ֆեյքերի ֆեյսբուքյան պատերին ընդամենը փաստում է մեկ բանի մասին, որ վերջիններս կորցրել են ադեկվատության սահմանները և անճարությունից հայտնվել են ցայտոտնի մեջ ողջ թիմով՝ ֆեյքերից մինչև գլխավոր քաղտեխնոլոգներ։Ի վերջո ցինիզմն էլ պետք է սահմաններն ունենա...