2017 թ. որդեգրվել է 40 երեխա. «Փաստ»

«Փաստ» օրաթերթը գրում է.

2017թ. ՀՀ–ում գործել է 8 մանկատուն, որից 6–ը` պետական (2–ը` ք. Երևանում, 1–ական` ՀՀ Արարատի, Գեղարքունիքի, Լոռու և Շիրակի մարզերում), 2–ը` ոչ պետական (1–ական` ք.Երևանում և ՀՀ Կոտայքի մարզում): Այս մասին տեղեկանում ենք Ազգային վիճակագրական ծառայության հրապարակումից։

Մանկատների զբաղեցրած ընդհանուր մակերեսը կազմել է 20 հազար 541,3 քմ, որի 77,8%–ը՝ 15 հազար 972,4 քառ. մետր, բաժին է ընկել պետական մանկատներին: Մանկատներն ունեցել են շենքերին կից կամ ամրակցված այլ տարածքներ, որոնց մակերեսը կազմել է 7 հազար 973,6 քմ, որի 79%–ը՝ 6 հազար 298 քմ, բաժին է ընկել պետական մանկատներին:

Մանկատների շենքերից 6–ը եղել է տիպային, իսկ երկուսը՝ հարմարեցված, հարմարեցվածներն ու տիպայինից չորսը եղել է պետական։

Մանկատներից հինգի շենքային պայմանները համարվում են բավարար, երկուսում պահանջվում է ընթացիկ, իսկ մեկում՝ հիմնական վերանորոգում։ Ջրամատակարարումը այս հաստատությունների մեծ մասում խնդիր չունի, 7–ը ապահովված է շուրջօրյա ջրամատակարարմամբ, իսկ մեկում այն գործում է ըստ ժամանակացույցի։ Ջերմամատակարարումը ի տարբերություն ջրամատակարարման դեռևս բացեր ունի։ Մասնավորապես մանկատներից 2–ում է միայն գործում կենտրոնացված ջերմամատակարարում, հինգում այն անհատական է, իսկ մեկում էլ նշված է պարզապես այլ։ Հստակ նշված չէ, թե այդ շենքում ինչպես է կատարվում տաքացումը ձմռան ամիսներին։

Նշված ութ մանկատները միասին վերցրած ունեն 62 առանձնասենյակ, 73 խաղասենյակ, 32 հյուրասենյակ, 160 ննջասենյակ, 6 սպորտդահլիճ, 67 հարդասենյակ, 14 ճաշարան, 13 բուժսենյակ, 5 մեկուսարան, 6 գրադարան, 5 արհեստանոց և այլն։

Պետական և ոչ պետական մանկատների շենքերը նախատեսված են եղել, համապատասխանաբար` 735 և 223 երեխայի համար:

Երեխաների թվաքանակը մանկատներում 2017 թ. սկզբին կազմել է 811 երեխա, որից 367–ը եղել են աղջիկներ։ Սրանից մինչև մեկ տարեկան երեխաների թիվը կազմել է 24, 1–6 տարեկանների թիվը կազմել է 178, 7–9 տարեկաններինը՝ 159, 10–15 տարեկաններինը՝ 215 և 16–18 տարեկաններինը՝ 235։ Նշված 811 մանկատան սաներից նախորդ տարի դրանք լքել են 171–ը, որից 45–ը վերադարձել է հարազատների մոտ, 21–ը տեղափոխվել է այլ մանկատներ, 20–ը տարեցների և հաշմանդամների սոցիալական սպասարկման կազմակերպություններ տեղափոխվածներ են, 40–ը որդեգրվել է, 12–ը՝ մահացել։

Նախորդ տարի մանկատների ֆինանսական միջոցների մուտքերը կազմել են 2 միլիարդ 634 միլիոն 644 հազար դրամ, որից 1 միլիարդ 905 միլիոն 694 հազար դրամը բյուջեից է, 37 միլիոն 591 հազար դրամը նվիրատվություններ են։ Մանկատների ֆինանսական ծախսերը կազմել են 2 միլիարդ 646 միլիոն 985 հազար դրամ, որից 568 միլիոն 541 հազար դրամը նյութական ծախսեր են, 189 միլիոն 311 հազար դրամը ոչ նյութական ծառայությունների վճարումներ։ 6 միլիոն 170 հազար դրամը գործուղման ծախսեր են, 1 միլիարդ 812 միլիոն 824 հազար դրամը աշխատավարձերն են եղել, իսկ 53 միլիոն 597 հազար դրամը՝ հիմնավերանորոգման, սարքավորումների և գույքի ձեռքբերման ծախսեր։

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»