Ինչ սպասել մայիսի 1-ից հետո

ՀՀԿ խմբակցության ղեկավար Վահրամ Բաղդասարյանը քիչ առաջ հայտարարել է, որ իշխող կուսակցությունը չի խոչընդոտի մայիսի 1-ին կայանալիք վարչապետի ընտրությունները, և Հայաստանն այդ օրը վարչապետ կընտրի: Իսկ դա նշանակում է, որ նվազագույնը հանրապետական 6 պատգամավոր պետք է կողմ քվեարկի Նիկոլ Փաշինյանի օգտին, քանի որ նրան վարչապետ ընտրվելու համար 53 ձայն է հարկավոր, իսկ այժմ բոլորը միասին նա ունի 47 ձայն:

Սա Փաշինյանի ներկայացրած չորս կետերից երկրորդի կատարումը կլինի: Ինչպես հայտնի է՝ Փաշինյանն իշխանությունների հետ երկխոսելու համար հետևյալ կետերն էր ներկայացրել.

1. Սերժ Սարգսյանը հրաժարական է տալիս վարչապետի պաշտոնից

2. Ազգային ժողովը վարչապետ է ընտրում ժողովրդի թեկնածուին

3. Ձևավորվում է ժամանակավոր կառավարություն

4. Հայաստանի օրենսդրությամբ վարչապետ նշանակվելուց 20 օր հետո ԱԺ-ն պետք է հավանություն տա կառավարության ծրագրին: Երբ ձևավորվի ժամանակավոր կառավարություն, քաղաքական պայմանավորվածության համաձայն` Ազգային ժողովը չի ընդունում կառավարության ծրագիրը, ինչից հետո իրավունքի ուժով տեղի են ունենում արտահերթ խորհրդարանական ընտրություններ:

Առաջին կետը կատարված է, երկրորդը կատարվում է: Մյուս կետերի ընթացքն արդեն պետք է լինի մայիսի 1-ից հետո:

Հոդված 150. Կառավարության կազմավորումը

Կառավարությունը կազմավորվում է վարչապետ նշանակվելուց հետո՝ տասնհինգօրյա ժամկետում: Իր նշանակումից հետո վարչապետը հնգօրյա ժամկետում Հանրապետության նախագահին առաջարկում է փոխվարչապետների և նախարարների թեկնածուներին: Հանրապետության նախագահը եռօրյա ժամկետում կամ նշանակում է փոխվարչապետներին և նախարարներին, կամ դիմում է Սահմանադրական դատարան:

Սահմանադրական դատարանը դիմումը քննում և որոշում է կայացնում հնգօրյա ժամկետում: Եթե Հանրապետության նախագահը եռօրյա ժամկետում չի կատարում սույն հոդվածով սահմանված պահանջները, ապա համապատասխան փոխվարչապետը կամ նախարարը նշանակված են համարվում իրավունքի ուժով:

Հոդված 151. Կառավարության ծրագիրը

1. Կառավարության կազմավորումից հետո՝ քսանօրյա ժամկետում, վարչապետն Ազգային ժողով է ներկայացնում Կառավարության ծրագիրը:

2. Ազգային ժողովը Կառավարության ծրագրին հավանություն է տալիս յոթնօրյա ժամկետում` պատգամավորների ընդհանուր թվի ձայների մեծամասնությամբ:

3. Եթե Ազգային ժողովը հավանություն չի տալիս Կառավարության ծրագրին և Սահմանադրության 149-րդ հոդվածի 2-րդ և 3-րդ մասերին համապատասխան չի ընտրում նոր վարչապետ, ապա Ազգային ժողովն արձակվում է իրավունքի ուժով: Եթե Ազգային ժողովն ընտրում է վարչապետին, սակայն կրկին հավանություն չի տալիս Կառավարության ծրագրին, ապա Ազգային ժողովն արձակվում է իրավունքի ուժով:

4. Սույն հոդվածի 3-րդ մասը չի տարածվում Սահմանադրության 115-րդ հոդվածին համապատասխան կազմավորված Կառավարության ծրագրի վրա: Եթե այդ Կառավարության ծրագիրը հավանության չի արժանանում, ապա Ազգային ժողովն արձակվում է իրավունքի ուժով:

Սակայն հետաքրքիրն այն է, որ ըստ Սահմանադրության վարչապետին կարելի է անվստահություն հայտնել նրա ընտրվելուց մեկ տարի հետո միայն: Այսինքն` եթե կառավարության ծրագիրը հանկարծ հաստատվի, ընտրված վարչապետին մեկ տարի չեն կարողանա հեռացնել պաշտոնից: Սակայն սա ամենևին էլ նրա ծրագրերի մեջ չի մտնում, քանի որ Փաշինյանը ցանկանում է արտահերթ խորհրդարանական ընտրությունների գնալ:

Հոդված 115. Վարչապետին անվստահություն հայտնել

3. Վարչապետին անվստահություն կարելի է հայտնել նրա նշանակումից ոչ շուտ, քան մեկ տարի հետո: Եթե վարչապետին անվստահություն հայտնելու մասին Ազգային ժողովի որոշման նախագիծը չի ընդունվում, ապա նման նախագիծ կարող է ներկայացվել ոչ շուտ, քան վեց ամիս հետո:

Այս թեմայով Արա Պապյան. «Եթե ՀՅԴ-ն չինքնամաքրվի, հաջորդ ընտրություններից հետո խորհրդարանում չի լինի». «Փաստ» «Արցախի մասնակցությունը բանակցություններին՝ ինքնորոշման իրավունքի իրացում». Էմիլ Օրդուխանյան. «Փաստ» Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում