«Նոկաուտ» վերջին ռաունդում

Արման Եսայանը ֆեյսբուքյան իր էջում գրում է՝

Ապրում ենք այնպիսի օրերում, որ պատմականորեն արժեվորելու պարագայում կարելի էր կոչել նաև դարակազմիկ։ Մեր աչքի առաջ ու մեր մասնակցությամբ տեղի ունեցավ հայկական փառահեղ թավշյա հեղափոխություն։
Տարիներ ի վեր իշխանությունը զավթած հանրապետական կուսակցությունը արժանացել էր ժողովրդի ատելության և Աժ պատգամավոր Նիկոլ Փաշինյանը կարողացավ համակարգել ժողովրդի ցասումը։ Բանը հասավ նրան, որ նախ իշխանությունը կորցրեց իր դիրքերը, երբ նորընտիր վարչապետ Սերժ Սարգսյանը ժողովրդի պահանջով հեռացացավ իշխանությունից։ Ու երբ թվում էր՝ պայքարն արդեն հաջողության է հասել, առաջին փոխվարչապետ Կարեն Կարապետյանը որոշեց պղտոր ջրում իր ձուկը որսալ և հավաքելով փլուզվող ՀՀԿ-ի փշրանքները՝ պայքարել որպես նոր վարչապետի թեկնածու։ Ուժերի այսպիսի վերադասավորությունը ցույց տվեց, որ հանրապետականները իշխանության համի քաղացրությունը շատ են սիրել և կցանկանան ամեն կերպ մնալ իշխանության։
Այո՛, ժողովուրդը ոտքի էր էլել, այո՛, Նիկոլ Փաշինյանի ղեկավարած շարժումը փողոցում հասել էր իր հաղթանակին, բայց ժողովրդի հաղթանակը գողանալու համար կազմ ու պատրաստ կանգնածներ շատ կային։ Իհարկե ժողովուրդն անմիջապես ձեռնամուխ եղավ նաև նրանց «մերժելու» գործընթացին և նրանց ևս սպասում էր նախորդի ուղին, բայց ՀՀԿ-ականները վերջ ի վերջո հասկանալով պահի լրջությունը կուսակցությունից դուրս սկսեցին փնտրել հասարակության մեջ ընդունված ու սիրված գործիչներ։
Զուգահեռ այս ամենին մարդկանց մեջ տարածվում էին թևավոր խոսքերի վերածված արտահայտություններ, թե «Նիկոլը հեռացրեց Սերժին, Ծառուկյանը կարող է հեռացնել ամբողջ ՀՀԿ-ին»։ Եվ ի պատիվ Ծառուկյանի՝ նա իր մեկ հայտարարությամբ վճռորոշ «նոկաուտային» հարվածը հասցրեց ողջ հհկականներին՝ հաստատելով, որ նա ոչ միայն որևէ երկխոսություն չի կարող ունենալ ժողովրդի կողմից մերժված իշխանության հետ, այլև պաշտպան կանգնեց նրա հաղթանակին։ Եվ, եթե հաղթանակը ժողովրդին է, որևէ մեկը չի կարող նրան փակուղու առաջ կանգնեցնել և գողանալ այդ հաղթանակը։
Այս զարգացումները ևս մեկ անգամ փաստեցին, որ կյանքը, լինի այն քաղաքական թե առօրյա, բումերանգ է, և այդ բումերանգը երեք տարի շարունակ պտտվեց այնպես, որ ժողովրդի համար այս վճռորոշ պահին Գագիկ Ծառուկյանի աջակցությամբ կործանարար ապտակ իջեցնի ձախողված, անազնիվ և խոստումնազանց իշխանությունների երեսին։