Ոստիկանությունը հրաժարվելու է կատարել Կարեն Կարապետյանի որեւէ հրահանգ. Փաշինյան

Ոստիկանությունը հրաժարվելու է կատարել Կարեն Կարապետյանի որեւէ հրահանգ։ Այդ մասին Հանրապետության հրապարակում ընթացող հանրահավաքում հայտարարել է ԱԺ պատգամավոր, «Իմ քայլը» նախաձեռնության առաջնորդ Նիկոլ Փաշինյանը։

«Ոստիկանության եւ ոստիկանության պետի հայտարարությունները վկայում են, որ նրանք ուղղակիորեն հրաժարվելու են կատարելու Կարեն Կարապետյանի որեւէ հրահանգ։ Նա վարչապետի պաշտոնակատար չէ, եւ նրանք իրավասու չեն կատարելու նրա հրահանգները»,- ասել է Փաշինյանը եւ հավելել. «Եթե գեղական կարգով նայենք, ես ուժային կառույցներին հրահանգ տալու շատ ավելի մեծ լիազորություններ ունեմ, քան Կարապետյանը։ Բոլոր ոստիկանների կոչ են անում րոպե առաջ եւ անվերապահորեն միանալ մեր շարժմանը եւ հայտարարել Հայաստանում սկսած խաղաղ ոչ բռնի հեղափոխության հաղթանակը»։

Ըստ Փաշինյանի, չկա որեւէ տարբերակ որ հրապարակում հավաքված ժողովուրդը չհաղթի։ «Եթե հանկարծ փորձ կարվի հանրապետական որեւէ թեկնածուի նույնիսկ առաջադրել վարչապետի թեկնածու, ապա ժողովուրդը կշրջափակի ԱԺ շենքը, կառավարության շենքը, բոլոր կառավարական շենքերը»,- նշել է Փաշինյանն ու հավելել. «Կարեն Կարապետյանին զգուշացնում եմ՝ այլեւս ոտք չդնել կառավարական որեւէ շենք»։

Նա նաեւ շնորհակալություն հայտնեց «Գրանդ» Հոլդինգի ղեկավարությանը, որ միացավ շարժմանը եւ իր քայլով վերջ դրեց այն խոսակցություններին,թե շարժումը վնասում է տնտեսությանը։

Մանրամասներն՝ Այստեղ