Խոսքս ուղղում եմ բոլորին, բոլորին, բոլորին. Թաթա

Երգիչ Թաթա Սիմանյանն իր ֆեյսբուքյան էջում անդրադարձել է Հայաստանում տեղի ունեցող իրադարձություններին՝ գրելով.

«Ես ողջունում եմ քեզ իմ սիրելի, իմ հպարտ, իմ անկոտրում հայ ժողովուրդ:

Բնույթով և խառնվածքով ես երբեք չեմ եղել մեր երկրում ծավալվող քաղաքական իրադարձությունների ակտիվ օղակներում, ավելին` միշտ եղել եմ հավատացած, որ ամեն մարդ պետք է զբաղվի իր գործով, որպեսզի ստացվի առավելագույն լավ արդյունք:

Իմ կեցվածքի պատճառով շատերին կթվա, թե ես անտարբեր եմ կյանքում, երկրում և իմ հարազատ քաղաքում տեղի ունեցող դեպքերի նկատմամբ, բայց ոչ, ես չեմ կարող հանդիսատեսի նման վերաբերվել այն ամենին, ինչ հիմա կատարվում է իմ ազգի, իմ փառապանծ ժողովրդի հետ:

Փողոց են դուրս եկել իմ հայրերն ու մայրերը, քույրերն ու եղբայրները, նրանց զավակներն ու թոռները:

Չկա մեկը, անկախ սոցիալական սանդուխքի վրա զբաղեցրած իր դիրքից, տարիքից և սեռից, ում հոգին չի ալեկոծվել տեսնելով այս ամենը, ինչն այժմ կատարվում է մեր բազմաչարչար երկրում:

Հավատացած եմ, որ մեր իմաստուն կառավարիչներն ու պետական այրերը նույնպես փնտրում են լավագույն ճանապարհը, մեր հայրենիքն առանց ցնցումների, պատվով դուրս բերելու այս քաոսային իրավիճակից, և տա Աստված, որ միասին գտնենք ճիշտ ելքը:

Խոսքս ուղղում եմ բոլորին, բոլորին, բոլորին …

Չմոռանաք, որ մեր երակներում հոսում է նույն արյունը՝ Նարեկացու և Չարենցի, Անդրանիկի և Նժդեհի, և այդ արյան ամեն մի կաթիլն աշխարհի չափ թանկ է մեր համար:

Աստված օրհնի մեր երկիրը:
Աստված օրհնի մեր ազգը:

Միշտ ձեր՝ Թաթա Սիմոնյան»:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա