Գյումրիում ապօրինաբար պահվող արջի քոթոթը տեղափոխվել է կենդանաբանական այգի. «Փաստ»

«Փաստ» օրաթերթը գրում է.

Այն, որ մեր ժողովուրդը երբեմն սիրում է տրամաբանությունից դուրս քայլեր անել, զարմանալի չէ: Զարմանալի չէ նաև լսել, որ որոշ գործարարներ սեփական բիզնես–ծրագրերն առաջ տանելու ու հավելյալ շահույթ ստանալու նպատակով դիմում են ծայրահեղ քայլերի՝ իրենց օբյեկտներում վայրի բնությանը սովոր կենդանիներ են պահում: Զորօրինակ՝ մեծ աղմուկ հանած «Արջանոց» ռեստորանը, որտեղ նույնպես արջեր կային, որոնք բնապահպանների կողմից մեծ աղմուկ բարձրացնելուց հետո միայն համապատասխան մարմինների կողմից տեղափոխվեցին Կենդանաբանական այգի:

Այսօր էլ պարզվում է՝ արջեր պահելու սիրահար են նաև սովորական քաղաքացիները, ովքեր, որքան էլ տարօրինակ հնչի, կենդանիներին պահում են սեփական տանը:

Ինչպես տեղեկանում ենք ՀՀ բնապահպանության նախարարության մամուլի ծառայությունից՝ Բնապահպանության և ընդերքի տեսչական մարմնի հետևողական աշխատանքների արդյունքում ապրիլի 16–ին Գյումրու տներից մեկում ապօրինաբար պահվող արջի քոթոթը հանձնվել է Բնապահպանության և ընդերքի տեսչական մարմնի տարածքային ստորաբաժանում, որից հետո էլ Վայրի բնության և մշակութային արժեքների պահպանման հիմնադրամի (FPWC) կողմից տեղափոխվել է Երևանի կենդանաբանական այգի: Երևանի կենդանաբանական այգում քոթոթը կպահվի կարանտինային պայմաններում մինչև մեծանալը։

Տեսչական մարմինն ապօրինի որսի հատկանիշներով նյութեր է նախապատրաստել և փոխանցել իրավապահ մարմիններին՝ գործին հետագա ընթացք տալու համար:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»