Ահազանգ քաղաքացիներից. «ՎիվաՍել»–ի կապը խափանվում է. «Փաստ»

«Փաստ» օրաթերթը գրում է.

«ՎիվաՍել–ՄՏՍ» կապի ծառայությունից օգտվող քաղաքացիներից այսօր կապի խափանման վերաբերյալ ահազանգեր ենք ստանում: Մասնավորապես՝ ցանցի ներսում կա՛մ դժվարությամբ, կա՛մ ընդհանրապես չի հաջողվում կապ հաստատել: Ահազանգողները միտում են տեսնում և խափանումը կապում Երևան քաղաքում տեղի ունեցող ակցիաների հետ:

Խոսքը Սերժ Սարգսյանի վարչապետության դեմ ձևավորված «Մերժիր Սերժին» նախաձեռնության և «Քաղաքացիական պայմանագիր» կուսակցության գործողությունների ծրագրի մասին է, որի արդյունքում շարունակում են փակ մնալ Երևանի մի շարք փողոցներ: Պայքարը շարունակվում է նաև Բաղրամյան պողոտայում, ուր ոստիկանությունը ցուցարարների դեմ նաև հատուկ միջոցներ կիրառեց:

Քաղաքացիներից ստացած ահազանգերի վերաբերյալ փորձեցինք պարզաբանում ստանալ «ՎիվաՍել–ՄՏՍ» ՓԲԸ հանրային կապերի բաժնից: Մասնավորապես՝ ինչո՞վ է պայմանավորված կապի խափանումը, ո՞րն է ընկերության պարզաբանումը:

Ընկերությունից, սակայն, խնդրեցին գրավոր հարցում ուղարկել: Հանրային կապերի բաժնից նշեցին, որ կպատասխանեն հարցմանը: «ՎիվաՍել–ՄՏՍ»–ի պարզաբանմանը կանդրադառնանք ավելի ուշ:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»