Ի՞նչ սպասել Թրամփից, ո՞վ կսատարի նրան. «Փաստ»

«Փաստ» օրաթերթը գրում է.

Քաղաքագետ Սուրեն Սարգսյանը չի բացառում Միացյալ Նահանգների կողմից Սիրիային հարվածներ հասցնելը: Այս մասին նա ասաց «Փաստ» օրաթերթի հետ զրույցում: «Ամիսներ առաջ Ասադի զորքերի տարբեր տեղակայանների ուղղությամբ հրթիռներ արդեն արձակվել են: Այս դեպքը նույնպես չեմ բացառում: Կարծում եմ՝ ավելի համակարգված կլինի, որպեսզի չտուժեն Սիրիայում ծառայություն իրականացնող ռուս զինվորները»:

Հարցին՝ եվրոպական ո՞ր պետությունները կսատարեն հնարավոր գործողություններին, որոնք՝ ոչ, Ս. Սարգսյանը պատասխանեց. «Գերմանիան արդեն հայտարարել է, որ չի պատրաստվում սատարել: Չի բացառվում Ֆրանսիայի և Մեծ Բրիտանիայի աջակցությունն ԱՄՆ–ին: Շատ երկրներ դեռ չեն արտահայտել իրենց կարծիքը, քանի որ վերջնական չէ այս հարցը: Թրամփը սոցիալական ցանցում գրառում է արել, որ չգիտի՝ հարվածները վա՞ղն են հասցնելու, թե՞ շատ ավելի ուշ: Երբ վերջնական պարզ լինի, այդ ժամանակ եվրոպական պետություններն ավելի հստակ կներկայացնեն իրենց դիրքորոշումը»:

Սարգսյանը կարծում է, որ Թուրքիան, Իրանն ու Ռուսաստանը եկել են ընդհանուր հայտարարի Սիրիայի հարցում: Մասնավորապես, ըստ նրա, Թուրքիան կշարունակի մնալ Աֆրինում և պայքարել քրդական ջոկատների դեմ, որովհետև Թուրքիան դա համարում է սպառնալիք իր ազգային անվտանգությանը: Մեր զրուցակցի համոզմամբ՝ նաև պայմանավորվածություն կա, որ Ռուսաստանը շարունակի մնալ Սիրիայի տարածքում, երեք պետությունները ընդհանուր հակաահաբեկչական գործողություն կիրականացնեն:

Սարգսյանն ընդգծեց, որ տարածաշրջանում ծայրահեղ լարված իրավիճակ է, Հայաստանն օգուտով չի կարող դուրս գալ: Նրա խոսքով՝ բավականին բարդ դիվանագիտական աշխատանք է սպասվում: «Գիտենք, որ Սիրիայում և ողջ արաբական աշխարհում կա մեծ հայկական համայնք: Մեր հայացքը մշտապես սևեռված է եղել դեպի մեր հայրենակիցների ճակատագիրը: Հայաստանն ունի հստակ հետաքրքրություններ այս գործընթացներում, մանավանդ, որ դրանցում ներգրավված են նրա անմիջական հարևանները՝ Իրանն ու Թուրքիան և ռազմավարական դաշնակից Ռուսաստանը»,– նշեց Սուրեն Սարգսյանը:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»