70 միլիոն դրամ... տրված փոխառություն. «Փաստ»

«Փաստ» օրաթերթը գրում է.

ՀՀ նախագահի օգնական Արմեն Աբելյանի փոխառությունները նախորդ տարվա վերջին կազմել են 65 միլիոն 200 հազար դրամ ու 15 հազար եվրո, ինչի մասին տեղեկանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացրած 2017 թ. տարեկան հայտարարագրից:

Աբելյանը նախորդ տարի բավական մեծ թվերի հասնող փոխառություններ է հանձնել, որոնց մի մասն իրեն է վերադարձվել: Այսպես՝ 2017 թ. սկզբին նախագահի օգնականը ունեցել է արդեն իսկ տրված 65 հազար ԱՄՆ դոլար ու 100 հազար դրամ, որից դրամն ամբողջությամբ ու 50 հազար դոլարը վերադարձվել են հարկային տարվա ընթացքում: Բացի այս, նա որպես փոխառություններ է տվել ևս 95 միլիոն 200 հազար դրամ, որից էլ վերադարձվել է 30 միլիոն դրամը: Արդյունքում տարեվերջին որպես տրված փոխառություն է մնացել 15 հազար դոլարն ու 65 միլիոն 200 հազար դրամը:

Պաշտոնյայի դրամական միջոցները կազմել են 3 միլիոն 800 հազար դրամ, 100 հազար ռուսական ռուբլի ու 2700 ԱՄՆ դոլար, իսկ տարեկան եկամուտները՝ 10 միլիոն 838 հազար դրամ, որից 7 միլիոն 763 հազար դրամը աշխատավարձն է, իսկ մնացածը՝ փոխառությունների դիմաց ստացված տոկոս:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»