Շարքային Արտակ Պետրոսյան. իր տանկով գնացել է հետեւակ զորքին փրկելու

Մեր ժամանակի հերոս՝ Արտակ Պետրոսյան. Արտակ Պետրոսյանը ծառայում էր Արցախի ՊԲ՝ Մատաղիսի զորամասում, տանկիստ էր:

Ապրիլի 4-ին մարտի դաշտում հակառակորդին հետ շպրտելու ընթացքում Արտակի ու երեք ընկերների տանկը խոցվել է: Հստակ գիտակցելով մահվան վտանգը` իր տանկով առաջ է գնացել` հետեւակ զորքին փրկելու: Սակայն խոցվել է նաեւ իր տանկն, ու Արտակը երկու զինակից ընկերների հետ այրվել է տանկի մեջ, ոչ մեկին չի հաջողվել փրկվել: Նրանց մարմինները դուրս են բերվել Կարմիր Խաչի ներկայացուցիչների միջնորդությամբ:

Որդուն սպասող ծնողներին ապրիլյան պատերազմից բաժին է հասել Արտակի վզնոցը՝ կոտրված խաչով ու հետմահու տրված Մարտական ծառայություն մեդալը: Լեռնային Ղարաբաղի Մատաղիսի դիրքերում ժամկետային զինծառայությունն անցկացնող երիտասարդի համար ծնողները լուսավոր ապագա էին նախանշել: Զինվորն ինքն էլ մի մեծ փափագ ուներ. վերադառնալ տուն, հասնել սիրած աղջկան ու արարել:

Բնության, կենդանիների ու հողի սիրահար Արտակը սիրում էր օրն անցկացնել դրսում՝ ազատության մեջ: Աղավնիներ, ձկնորսություն, որս, ֆուտբոլ, բռնցքամարտ. սրանք Արտակի թուլություններն էին, որոնցից յուրաքանչյուրի համար գյուղում ապրող տղան ժամանակ էր գտնում:

Դեռ դպրոցական տարիներից ուսուցիչները նկատել են նրա ակնհայտ սերը ռազմագիտություն առարկայի նկատմամբ: Այսօր արդեն դպրոցում ու դպրոցից դուրս Արտակին հիշում են հպարտությամբ: Արտակ Պետրոսյանը Լոռու մարզի Մեծավան գյուղից էր, Մեծավանի համայնքապետի բնորոշմամբ` Արտակը համեստ, շնորհքով տղա էր:

Այս թեմայով Շատ շուտով ձեր կողքին կլինեմ․ Արթուր Ասատրյանը իր մերձավորների հետ վերադառնում է Հայաստան Վայքում երեք տղաներ, տեսնելով կնոջը սեռական հարաբերություն ունենալու պահին, պահանջել են, որ իրենց ևս «սպասարկի» Օրվա կադր. Կրթության նախարարը մետրոյով տուն է գնում Ես գալիս եմ այս պաշտոնին ունենալով հստակ պատկերացումներ. Առողջապահության նախարարը կոչով դիմել է հանրությանը (տեսանյութ) «Եթե զուգարանում թուղթ չլինի, քո դեմքով եմ սրբվելու». երիտասարդը ինտերնետ ակումբում դանակով հարձակվել է աշխատողի վրա