Արամ Սահակյանի՝ 3 տարբեր արտարժույթով դրամական միջոցները. «Փաստ»

«Փաստ» օրաթերթը գրում է.

ՀՀ տնտեսական մրցակցության պաշտպանության պետական հանձնաժողովի անդամ Արամ Սահակյանը բավական շատ դրամական միջոցներ ունի: Այս մասին իմանում ենք նրա՝ Բարձրաստիճան պաշտոնատար անձանց էթիկայի հանձնաժողովին ներկայացրած 2015 թ. տարեկան հայտարարագրից:
Արամ Սահակյանը հայտարարագրել է 8 միլիոն 300 հազար դրամ, 87 հազար ամերիկյան դոլար, 8 հազար 500 եվրո և 30 հազար ռուսական ռուբլի դրամական միջոցներ:
Տնտեսական մրցակցության պաշտպանության պետական հանձնաժողովի անդամի տարեկան եկամուտներն էլ կազմել են 8 միլիոն 800 հազար դրամ, որից 7 միլիոն 449 հազար դրամը տարեկան աշխատավարձն է, իսկ 1 միլիոն 351 հազար դրամն էլ՝ ստացված փոխառություններ (վարկեր):
Նրա կինը՝ Ալլա Հարությունյանը, նույն տարում հայտարարագրել է 5 հազար 880 ԱՄՆ դոլար փոխառություններ և 1 միլիոն 200 հազար դրամ ու 20 հազար ԱՄՆ դոլար դրամական միջոցներ: Վերջինի եկամուտներն էլ կազմել են 2 միլիոն դրամ և 700 ԱՄՆ դոլար:

Շարունակությունը` «Փաստ» օրաթերթի այսօրվա համարում: