Դեսպանի համեստ միջոցները. «Փաստ»

«Փաստ» օրաթերթը գրում է.

Լիտվայի Հանրապետությունում ՀՀ արտակարգ և լիազոր դեսպան Տիգրան Մկրտչյանը միայն մեկ բնակարան է հայտարարագրել: Այս մասին իմանում ենք պաշտոնյայի՝ Բարձաստիճան պաշտոնատար անձանց էթիկայի հանձնաժողովին ներկայացրած 2016 թ. պաշտոնը ստանձնելու հայտարարագրից:
Տիգրան Մկրտչյանը իր հայտարարագրում նշել է բնակարան ունենալու մասին: Սակայն պաշտոնը ստանձնելու պահին նա դրամական միջոցներ չի ունեցել: Իսկ իր հունվարի 1–ից մինչև պաշտոնը ստանձելու օրն ընկած ժամանակահատվածում ձեռք բերած եկամուտներն էլ կազմել են 1 միլիոն 729 հազար դրամ և գոյացել երկու տարբեր աշխատավարձերից:
Պաշտոնյայի կինը՝ Իլզե Պետերսի Պաեգլեն, հայտարարագիր չի ներկայացրել:
Մկրտչյանը տարիներ առաջ նույնպես պետական պաշտոն է զբաղեցրել՝ 2005–2006 թթ. եղել է ԱԺ նախագահի խորհրդականը, 2010–2013 թթ.՝ ԱԳ նախարարի խորհրդական, իսկ 2010–2013 թթ.՝ ԱԳՆ մամուլի, տեղեկատվության և հասարակայնության հետ կապի վարչության պետի պարտականություններ կատարող, իսկ 2013 թ. արդեն նույն վարչության պետը:

Շարունակությունը` «Փաստ» օրաթերթի այսօրվա համարում: