Կոնֆետ ու թանկարժեք կահույք՝ Մեղրիի գնումների պլանում. «Փաստ»

«Փաստ» օրաթերթը գրում է.

Սյունիքի մարզի Մեղրի քաղաքի համայնքապետարանը ներկայացրել է 2018 թվականի գնումների փոփոխված պլանը: Ֆինանսների նախարարության ՀՀ գնումների համակարգում ներկայացված փաստաթղթից «Փաստ»–ը տեղեկանում է, որ Մեղրիի համայնքապետարանն ընթացիկ տարում պատրաստվում է 18040000 ՀՀ դրամ արժողությամբ գրասենյակային կահույք գնել:

Գնման մեկ անձից կատարվող ընթացակարգով համայնքապետարանը կգնի նաև 601000 ՀՀ դրամ արժողությամբ ավտոպահեստամասեր:

Գնումների պլանում նաև 12 տուփ կոնֆետ, որոնցից յուրաքանչյուրն արժե 5000 դրամ: Կոնֆետ գնելու համար, ընդհանուր առմամբ, կծախսվի 60000 ՀՀ դրամ: 73000 ՀՀ դրամ կծախսվի ևս 10 տուփ կոնֆետ գնելու համար: Այս դեպքում կոնֆետի մեկ տուփն արժե 7300 ՀՀ դրամ: Կգնեն նաև 15000 դրամ արժողությամբ 5 տարի հնեցմամբ 10 շիշ կոնյակ:

Նվերների և պարգևների համար էլ գնումների պլանում նախատեսվել է 705000 ՀՀ դրամ: Փաստաթղթում տեղ են գտել նաև կենցաղային մի շարք ապրանքատեսակներ:

Օրինակ, նախատեսվում է նաև 4 ջրատաքացուցիչ կաթսա գնել, որոնք ձեռք բերելու համար ընդհանուր առմամբ կծախսվի 260000 ՀՀ դրամ: Կգնեն նաև խոհանոցի էլեկտրական 4 սալօջախ՝ ծախսելով 248000 ՀՀ դրամ: Էլեկտրական կախովի 4 ջեռուցիչ գնելու համար էլ կծախսվի 1800000 ՀՀ դրամ:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»