Թրամփի ադրբեջանական միլիոնները.«Փաստ»
«Փաստ» օրաթերթը գրում է.
Դոնալդ Թրամփի նախագահ ընտրվելուց հետո ամբողջ աշխարհը գուշակում է, թե նա ինչ քաղաքականություն կվարի, որ երկրի հետ ինչ հարաբերություններ կկառուցի: Մեր փորձագետները նույնպես տարբեր տեսակետներ են հայտնում, թե Հարավային Կովկասի հարցում Թրամփը ինչ մոտեցումներ կորդեգրի: Բայց մինչ մենք գուշակում ենք, պարզվում է, որ, օրինակ, Ադրբեջանի հետ Թրամփին կարող են կապել ոչ միայն իր երկրի շահերը, այլև անձնական հետաքրքրությունները: Օրերս The Washington Post–ը հայտնել է, որ Դ. Թրամփն ԱՄՆ–ից դուրս ունի 113 միջազգային ձեռնարկություն (18 երկրում), այդ թվում` 5–ը՝ Ադրբեջանում: Դրանցից մեկի անունը հայտնի է` Trump International Hotel & Tower Baku: Այդ ընկերությունից ԱՄՆ նորընտիր նախագահը տարեկան վաստակում է 2–2,5 մլն դոլար: Ի դեպ, Ադրբեջանի ղեկավարության և Թրամփի ընտանիքի միջև միջնորդ է հանդիսանում Ադրբեջանի տրանսպորտի նախարար Զիա Մամեդովի որդին՝ Անար Մամեդովը, ով հիմնականում բնակվում է ԱՄՆ–ում և այնտեղ «լվանում» է ոչ միայն իր հոր, այլև Ալիևների ընտանիքի միլիարդները:
Ըստ որոշ աղբյուրների` նա հպարտանում է իր մտերմությամբ Թրամփի դստեր՝ Իվանկայի հետ, ով հիմա զբաղվում է Դոնալդ Թրամփի բիզնես–կայսրության գործերով: Վերջերս էլ ադրբեջանական ԶԼՄ–ները հայտնել էին, որ Անարը հրավիրված է Դ. Թրամփի երդմնակալությանը:
Թրամփի բիզնես կապերը Ադրբեջանի և այլ երկրների հետ դարձել են ամերիկացի իրավաբանների ու էթիկայի փորձագետների քննարկման առարկա: Ամերիկյան ProPublica հանդեսի վերլուծաբանների կարծիքով` իրավաբանական տեսանկյունից Թրամփի արտասահմանյան արտոնագրային համաձայնությունները կարող են ոտնահարել ԱՄՆ Սահմանադրությունը, ըստ որի` նախագահն իրավունք չունի ստանալու դրամական պարգևատրում: Իսկ Սահմանադրության ոտնահարումը կարող է հանգեցնել իմպիչմենտի: Բայց կա մեկ «բայց»: «Ինչպե՞ս կիմանանք, որ Թրամփը խախտել է Սահմանադրության դրույթները»,– հարցնում է ProPublica–ն և ինքն էլ պատասխանում` ոչ մի կերպ: Իսկ պատճառը, նախևառաջ, պահանջների սահմանափակումներն են, որոնք վերաբերում են նախագահի կողմից տեղեկատվություն բացահայտելուն:
Ինչ էլ լինի, այն, որ Թրամփը բիզնես–շահեր ունի մեր հարևան երկրում, մեզ համար այնքան էլ ոգևորիչ հանգամանք չէ:
Շարունակությունը` «Փաստ» օրաթերթի այսօրվա համարում:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
Թուրքիան բարձր է գնահատում Ադրբեջանի և Հայաստանի միջև բանակցային գործընթացը և խաղաղ բանակցություններ...
