Ամուսինը բնակարան է գնել, կինը՝ նաև ավտոմեքենա. «Փաստ»

«Փաստ» օրաթերթը գրում է.

Հեռուստատեսության և ռադիոյի ազգային հանձնաժողովի աշխատակազմի ղեկավար Սմբատ Խաչատրյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ 2017 թ. տարեկան հայտարարագիրը:

Հայտարարագրից տեղեկանում ենք, որ Խաչատրյանը նախորդ տարի 18 միլիոն 286 հազար 560 դրամով նոր բնակարան է ձեռք բերել: Բնակարան է գնել նաև կինը՝ Անահիտ Կարապետյանը, բայց ավելի թանկ՝ 30 միլիոն 437 հազար դրամով: Բնակարանից բացի, նա 25 հազար ԱՄՆ դոլարով «MERCEDES–BENZ CLA 200» մակնիշի ավտոմեքենա է գնել:

Խաչատրյանի դրամական միջոցները նախորդ տարվա սկզբին կազմել են 100 հազար ամերիկյան դոլար ու 25 միլիոն դրամ, որից դոլարը մնացել է անփոփոխ, իսկ դրամը պակասել 5 միլիոնով: Կինը տարեվերջին հայտարարագրել է 75 հազար դոլար ու 13 միլիոն դրամ գումար:

Ամուսինների եկամուտները կազմել են համապատասխանաբար 18 միլիոն 780 հազար ու 22 միլիոն 680 հազար դրամ: Խաչատրյանի եկամուտները գոյացել են 12 միլիոն 800 հազար դրամ ստացված փոխառություններից ու 5 միլիոն 979 հազար դրամ աշխատավարձից, իսկ կնոջ եկամուտները՝ 3 միլիոն դրամ աշխատավարձից ու 19 միլիոն 680 հազար դրամ վարկից:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»