Շոգ է լինելու. Հայաստանում մինչև 32 աստիճան տաքություն է սպասվում

ԵՐԵՎԱՆ, 19 մարտի. /Նովոստի Արմենիա/. Մարտի 23-24-ն օդի ջերմաստիճանը Հայաստանում կբարձրանա 5-6 աստիճանով:

Ինչպես հայտնում է Հայհիդրոմետկենտրոնը, ամենատաք եղանակը մարտի 24-ին ցերեկային ժամին սպասվում է Սյունիքում ու Արցախում, որտեղ օդի ջերմաստիճանը կբարձրանա մինչև 29-32 աստիճան տաքություն: Ընդ որում Սյունիքի նախալեռներում ու Տավուշում սպասվում է +25…+29 աստիճան, իսկ Արմավիրում, Արարատում ու Վայոց Ձորի նախալեռներում` 25-28 աստիճան տաքություն:
Երևանում երեքշաբթի օդի ջերմաստիճանը կբարձրանա մինչև 21-23 աստիճան տաքություն, իսկ հաջորդ օրը կնվազի մինչև 18-20 աստիճան, սակայն մինչև շաբաթ օր սպասվում է 24-27 աստիճան տաքություն:

Մարտի 21-ին ցերեկը ու 24-ին ուշ երեկոյան շրջանների մեծ մասում սպասվում է կարճատև անձրև և ամպրոպ:

Քամին կլինի հարավ-արևմտյան՝ 3-8 մ/վ արագությամբ, մարտի 23-24-ն առանձին վայրերում սպասվում է քամու ուժգնացում՝ 25-30 մ/վ արագությամբ:-0-