Ռոզա Ֆիլբերգի խայռատակությունը «Նռան հատիկ»-ում . Մհերն իր անտաղանդ քրոջը վաստակավոր արտիստ էլ կդարձնի
Վերջերս առիթ ունեցա ուսումնասիրելու «Նռան հատիկ» հեռուստասերիալը, որի սցենարի հեղինակը Դիանա Գրիգորյանն է: Ինչու եմ ասում ուսումնասիրելու, որովհետև այնտեղ քննարկելու այնքան բան կա, որ չգիտես, թե որտեղից սկսես: Դերասանական կազմի մասին Դիանան ավելի վաղ ասել էր, որը գրեթե ամբողջությամբ նոր կազմ է լինելու, սակայն ինչպես սպասելի էր՝ կազմում, կարծես, փոփոխություններ չկային, բայց մեզ մեծ «անակնկալ» էր սպասվում գլխավոր հերոսուհու կերպարով: Ի սկզբանե, երբ անոնսներից տեղեկացա, որ գլխավոր հերոսուհու կերպարը մարմնավորելու է Մգեր Արմենիայի քույրը՝ Ռոզա Ֆիլբերգը, նախ զարմացա, քանի որ վերջինս մինչ այդ որպես երգչուհի էր ներկայացել, սակայն ինքս ինձ մխիթարեցի, որ առաջին անգամը չէ, որ մեր երգիչ-երգչուհիներն իրենց սերիալներում են փորձարկում:
Սակայն հասկացա, որ Ռոզայի հետ կապված հույսերը զուր էին: Նշեմ, որ սերիալը չեմ նայում, սակայն ընդամենը մի քանի րոպե նրա խաղը դիտելուց հետո հասկացա, որ առաջին բանը, որ պետք է անեմ «Նռան հատիկը»-ը տեսնելիս, ալիքը փոխելն է: Չեմ խոսում գրոտեսկի հասցրած աղքատության մասին, սակայն Ռոզա Ֆիլբերգի խաղի մասին չխոսելը մեղք է: Մարմնավորում է օրվա հացի գումար չունեցող ընտանիքի դստեր, սակայն դա անում է պրոֆեսիոնալ դիմահարդարմամբ, փայլուն շրթներկով, գեղեցիկ հարդարված մազերով և բավական նորմալ՝ ոչ աղքատիկ հագուստով, սակայկ կրկնում եմ՝ ըստ տեսարանների՝ նրանց ընտանիքը երբեմն սնվելու գումար էլ չունի: Սա արտաքին տեսքի մասին, ինչը, իհարկե, միայն Ռոզայի խնդիրը չէ, այդ թվում՝ նրա հետ աշխատող մարդկանց: Հիմա անցնենք ամենակարևորին՝ Ռոզայի խաղին կամ`դրա բացակայությանը:
Նախ «դերասանուհին» հայերենին չի տիրապետում, ինչի պատճառով նրա խաղն արդեն չի կարող համոզիչ լինել, սակայն բացի լեզվական խնդրից՝ Ռոզան իր դերը կատարում է այնպես, ինչպես կանի առաջին դասարանցի երեխան՝ դպրոցական հանդեսի ժամանակ: Անբնական խաղ, շատ շպար ու հայերենի վատ իմացություն: Սա էլ մեր նոր սերիալի ԳԼԽԱՎՈՐ հերոսուհին, ով վստահ եմ, որ նման առաջարկ ստացել է ՀՀ վաստակավոր արտիստ եղբոր՝ Մգեր Արմենիայի շնորհիվ: Վերջաբանի փոխարեն միայն կհավելեմ, որ ներքին ձայնս ինձ հուշում է, որ եղբոր բնավորության որոշ գծերի շնորհիվ Ռոզան դեռ վաստակավոր էլ կդառնա…
Թշնամու դավադիր կրակոցը խլեց Լեոնիդ Ազգալդյանի կյանքը, բայց ոչ նրա գաղափարը․ Համահայկական ճակատ
Կարող ենք արձանագրել, որ Հայաստանում ընտրությունները չեն կայացել․ Հրայր Կամենդատյան
Կյանքից հեռացել է Վերա Սաֆարյանը
«Ուժեղ Հայաստանի» պատգամավորի թեկնածու Աշոտ Եղիազարյանին ներկայացված մեղադրանքը հիշեցնում է ֆանտաստի...
Թեղուտի հանքի շուրջ մեծ գործարքի սպասումները. արևմտյան հեղինակների վարկածը
Փաշինյանը չկարողացավ ստանալ քվեների 50%-ը՝ բոլոր խախտումներով հանդերձ․ Ավետիք Չալաբյան
Հասարակությունը հաշտ չէ ստեղծված իրավիճակի հետ․ Ատոմ Մխիթարյան
Ինչո՞ւ է Փաշինյանն այսպես շտապում. «Փաստ»
Անհեթեթ և անպատասխանատու արկածախնդրություն է Հայ-ռուսական հարաբերությունները թողնել ժողովրդի էմոցիոն...
Առաջիկա օրերին մի փոքր շոգելու ենք. Գագիկ Սուրենյան (տեսանյութ)
