ՌԴ ընտրությունների արդյունքները ցույց տվեցին, որ մեծամասնությունը չի ընդունում արևմտյան քաղաքականությունը. «Փաստ»

«Փաստ» օրաթերթը գրում է.

Կիրակի օրը Ռուսաստանի Դաշնությունում տեղի ունեցան նախագահի ընտրություններ, որի ժամանակ գրանցված արդյունքները, ըստ քաղաքական վերլուծաբան Սերգեյ Շաքարյանցի, վերջին շրջանում այդ երկրի շուրջ տեղի ունեցող իրադարձությունների տրամաբանական շարունակությունն էին: «Փաստ»–ի հետ զրույցում նա նշեց, որ երկրի նորագույն պատմության ընթացքում նման բաձր մասնակցություն երբեք էլ չէր եղել:

«Երկրի հանդեպ իրականացվող ճնշումները միշտ հանգեցնում են համախմբման: Փաստորեն, մարդիկ նախընտրեցին ռիսկի չդիմել և ընտրել գործող նախագահ Պուտինին, որպեսզի նա ևս մի ժամկետ մնա նույն պաշտոնում»,– ասաց վերլուծաբանը:

Կոմունիստների ձայները բավականին նվազել էին, և ձայների նման մեծ կորուստը քաղաքական վերլուծաբանը բացատրում է Կոմկուսի նոր օլիգարխ առաջնորդով: Ինչ վերաբերում է Ժիրինովսկու ղեկավարած կուսակցությանն, ապա նրա հավաքած ձայները ցույց են տալիս, որ մարդիկ հոգնել են այդ քաղաքական գործչից: Ինչ վերաբերում է Սոբչակին, ապա չնայած ընտրությունների արդյունքների համաձայն նա 4–րդ հորիզոնականում է, սակայն հավաքած 1,67 %–ով, այնուամենայնիվ, դեռ շատ ճանապարհ ունի անցնելու:

Ս. Շաքարյանցը Վ. Պուտինի հանդեպ ունեցած համակրանքի ակունքները հասկանալու համար խորհուրդ է տալիս տեսնել նաև, թե այլ գերտերություններում ընդհանրապես ինչ գործընթացներ են տեղի ունենում: Ինչպես օրինակ՝ Չինաստանում, որտեղ ոչ միայն կուսակցության առաջնորդը վերընտրվեց, այլև արդեն իսկ ընդունված փոփոխությունների համաձայն նա իրավունք «ստացավ» մինչև կյանքի վերջ Չինաստանի ղեկավարի պաշտոնում վերընտրվել:

«Եթե Ռուսաստանի ու Չինաստանի նման խոշոր երկրները նման քայլերի են դիմում, ապա սա նշանակում է, որ պատրաստվում են առճակատման: Պատմությունից հայտնի է, որ ինչ–որ պատմական իրադարձությունից առաջ մարդիկ սկսում են համախմբվել: Այս ամենի հանրագումարում, ամենակարևոր մեսիջն այն է, որ մարդկանց մեծամասնությունը ժխտում է արևմտյան լիբերալիստական տնտեսական քաղաքականությունը: Միևնույն ժամանակ մարդիկ նաև ցանկություն չունեն վերադառնալ նախկին՝ կոմունիստական արժեքներին: Եվ այդ է պատճառը, որ, որպես հայրենասեր կամ ցենտրիստական գաղափարախոսության կրող, նախընտրել են Վ. Պուտինին՝ չցանկանալով կրկնել ուկրաինական կամ այլ սցենարներ, ինչը հղի է արյունահեղությամբ»,– ասաց Ս. Շաքարյանցը:

Հիմա արդեն եկել է ժամանակը, որ Արևմուտքը մտածի, թե Ռուսաստան–Չինաստան չհայտարարված դաշինքի կամ առանձին–առանձին նման գերտերությունների հետ բախումն ինչի կարող է հանգեցնել: Եվ արդյո՞ք այս գերտերությունների հետ բախվելու դեպքում նրանց գոյությունը չի դրվի հարցականի տակ: Ու եթե հաշվի առնենք, որ գրեթե նույն քաղաքականությունն է վարում Իրանը, ապա այս ամենը խոսում է այն մասին, որ իրականում ծանրության կենտրոնը կարող է փոխվել դեպի Արևելք:

«Մենք կարող ենք ասել՝ վերջ արևմտյան ժողովրդավարական դրսևորումներին: Եվ այն, որ մենք տարիներ շարունակ ժողովրդավարություն ենք անվանել մի երևույթ, որն իրականում դիկտատուրային կարգեր է, դեռ մինչ օրս չենք գիտակցել: Պարզապես դիկտատուրաները տարբերվում են իրենց գաղափարախոսություններով: Այսինքն, երբ ինչ–որ երևույթ իրականացվում է որևէ համակարգի վրա ճնշում գործադրելով, ապա դա նույնպես դիկտատուրա է, պարզապես փաթեթավորված այլ ձևով: Եվ եթե այս դիտանկյունից ենք նայում աշխարհում ընթացող իրադարձություններին, ապա իմ կարծիքով միջուկային գերտերությունները խոշոր բախման են պատրաստվում: Եվ առաջին հերթին պետք է մտահոգված լինեն իրենց երկրների ներքին կայունության ապահովմամբ: Հակառակ դեպքում ամեն ինչ կարող է հանգեցնել երկրների կործանմանը»,– ասաց Ս. Շաքարյանցը:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»