Ուղղությունները թեև ավելանում են, բայց Լարսի հոգսը դրանից չի թեթևանում. «Փաստ»

«Փաստ» օրաթերթը գրում է.

«Հարավկովկասյան երկաթուղի» ՓԲԸ–ի հասարակայնության հետ կապերի պատասխանատու Վարդան Ալոյանը «Փաստ»–ի հետ զրույցում նշեց, որ Փոթիում վարձակալած լաստանավն ընկերությունը շարունակում է ոչ միայն շահագործել, այլև ավելացնել տեղափոխվող բեռների ուղղություններն ու քանակը:

«Հիմա արդեն Բելոռուսի Հանրապետությունից ենք սկսել ապրանքներ ստանալ, աշխատանքներ ենք իրականացնում, որպեսզի Ղազախստանի հետ ամրապնդենք մեր կապերը»,– ասաց Վ. Ալոյանը:

Խոսելով այն մասին, որ երկաթուղու աշխատանքն այնուամենայնիվ չի թեթևացնում Լարսով դեպի Ռուսաստան և հակառակ ուղղությամբ իրականացվող բեռնափոխադրման հոսքը, Վ.Ալոյանն ասաց, որ Լարսով արտահանվող կամ ներկրվող ապրանքների խմբաքանակները մեծ չեն, ուստի այն, ինչ ներկայում Լարսով է տեղափոխվում դեպի ԱՊՀ և այլ երկրներ, շուտ փչացող կամ փոքր խմբաքանակներով ապրանքներ են, որոնց փոխադրումը երկաթուղիով չի իրականացվում:

«Փոքր ծավալներով ապրանքները հարմար չէ գնացքով տեղափոխել, քանի որ մեկ վագոնի ծավալը 60 տոննա է: Եվ բացի այդ շուտ փչացող մթերքները՝ ձկնեղեն, միրգ և այլն, Հայաստանից դուրս և ներս են գալիս մեքենաներով: Ցորենը, օրինակ, մենք ենք տեղափոխում: Ինչ վերաբերում է նրան, թե մի քանի արտահանողներ կարող են միանալ ու իրենց ապրանքը մեկ վագոնով տեղափոխել, ապա հնարավոր չէ: Փոքր ծավալներով ներկրողներն ու արտահանողները երբեք մեզ հետ չեն աշխատել: Եվ չնայած Խորհրդային Միության տարիներին կային սառնարանային վագոններ, որոնց միջոցով միրգ, բանջարեղեն էր արտահանվում, սակայն հիմա այն թանկ հաճույք է համարվում և ձեռնտու չէ մասնավոր ընկերություններին»,– ասաց Վ. Ալոյանը:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»