ԱԺ աշխատակազմն ամենախնայողն է. «Փաստ»

«Փաստ» օրաթերթը գրում է.

Գործադիր մարմնում գրեթե ամեն տարի քննարկվում է պետական կառավարման ապարատի ծախսերի կրճատման հարցը, մշակվում և իրականացվում են տարբեր ծրագրեր, որոնցից, թերևս, ամենաքննարկվողներից էր օպտիմալացման ծրագրի շրջանակներում ծառայողական մեքենաների կրճատումը: Ուսումնասիրելով այս տարվա դուրս գրված և հետ վերադարձված ավտոմեքենաների ցանկը` պետք է նշենք, որ կրճատվել է 27 միավոր տրանսպորտային միջոց, որի զգալի մասը` 13–ը, միայն ՀՀ Ազգային ժողովից, երկրորդ տեղում Կոտայքի մարզպետարանն է 5 կրճատված մեքենայով: Մյուս գերատեսչությունները ընդամենը 3 և 1–ական մեքենաներից են հրաժարվել: Փաստորեն ստացվում է, որ խնայողությունների հիմնական բաժինն իր ուսերին է վերցրել հենց Ազգային ժողովի աշխատակազմը։

Ուշագրավ է նաև, որ Ազգային ժողովը ցանկում աչքի է ընկնում ոչ միայն կրճատված մեքենաների քանակի զգալի առավելությամբ, այլ նաև մի ուշագրավ փաստով ևս, որը չվրիպեց մեր ուշադրությունից: Խորհրդարանի կրճատված մեքենաների թվում էր 1971 թ. արտադրության ԳԱԶ–13 «Чайка» մակնիշի ավտոմեքենա, որի շուկայական արժեքը 100000–120000 դոլար է ռուսական ավտոմեքենաների վաճառքի կայքերում, և 1982 և 1983 թթ. արտադրության ԳԱԶ–14–02 ու ԳԱԶ–14–00 «Чайка» մակնիշի ավտոմեքենաներ, որոնց շուկայական արժեքը 40000–50000 դոլար է: Այսպիսով, կարող ենք փաստել, որ ՀՀ Ազգային ժողովի աշխատակազմը պետական բյուջե է վերադարձրել 140000–ից 170000 ԱՄՆ դոլար:

Փաստացի ստացվում է, որ Կառավարության բյուջեի ծախսերի օպտիմալացման ծրագիրն ամենահաջող կերպով իրականացնողն օրենսդիր մարմնի աշխատակազմն է:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»