Ռուս գնդապետ, Մեծ Բրիտանիայի լրտես Սկրիպալին էլ թունավորեցին. «Փաստ»

«Փաստ» օրաթերթը գրում է.

Ռուսաստանի պետական հետախուզության վարչության (ГРУ) նախկին գնդապետ Սերգեյ Սկրիպալին թունավորել են Լոնդոնում:

Նախկինում նա դիմել էր տեղի իրավապահ մարմիններին` նշելով, որ իր կյանքին վտանգ է սպառնում:

Վաթսունվեցամյա Սերգեյ Սկրիպալը նախկինում ռուսական հետախույզ էր: Սակայն 2006 թվականին ձերբակալվում է Մոսկվայում և դատվում որպես Մեծ Բրիտանիայի լրտես` մեղադրվելով հայրենիքի դավաճանության հոդվածով:

Կիրակի օրը Սոլսբերի քաղաքի առևտրի տանը Սկրիպալը և իր կինը հանկարծ վատ են զգում և ուշաթափվում են:

Բժիշկների վկայությամբ՝ նրանք թունավորվել են և այժմ շատ ծանր վիճակում գտնվում են բժիշկների հսկողության տակ:

Ռուսաստանի դեմ գործող լրտեսները սովորաբար հենց այսպիսի վախճան են ունենում: Հիշենք 2006–ին Լոնդոնում մահացած Ալեքսանդր Լիտվինենկոյին, ով նույնպես ռուսական հատուկ ծառայությունների աշխատակից էր: Նրան թունավորել էին թեյի մեջ պոլոնիում լցնելով:

Բրիտանացի իրավապահները Լիտվինենկոյի սպանության պատասխանատու ճանաչեցին ռուսական հատուկ ծառայությունների աշխատակիցներին, «ովքեր գործել էին Պատրուշևի և Պուտինի հավանությամբ»:

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»