Գարշահոտության քարոզիչներին դավաճանի ամպլուան խորթ չէ
Մի խումբ մարդիկ ու կազմակերպություններ հանդես են եկել բաց նամակով ու կոչ են արել Երևանի քույր քաղաքներին դադարեցնել համագործակցությունը Երևանի ու Երևանի քաղաքապետարանի հետ: Երբ նայում ենք այդ մարդկանց ու կազմակերպությունների անվանացանկը, տեսնում ենք, որ գործ ունենք Երկիր Ծիրանիի գարշահոտության ակցիայից ժամեր անց արագորեն դեպքի վայր ժամանած ու ակցիա կազմակերպած, այնուհետ մամուլն ու սոցցանցերը իրենց ակտիվությամբ գրավել փորձող կոնկրետ մարդկանց հետ: Այդ մարդկանց միավորում է մեկ բան ՝ թամաշան: Ավելի շուտ թամաշայից դրամաշնորհային նախագիծ կազմելու ունակությունը:
Նրանք մեծ հաշվով Զարուհի Փոստանջյանի քաղաքական հետագծի վրա թքած ունեն: Նրանց հետաքրքրում է մի բան ՝ որսալ ընթացիկ որևէ թեմա, հարմարեցնել այն արտասահմանյան որոշակի դոնորների քիմքին, փաթեթավորել այն հավուր պատշաճի ու մատուցել: Հաշվի առնելով, որ այժմ մոդայիկ է կանանց դեմ բռնությունների թեմայով դրամաշնորհներ ստանալը, այդ մարդիկ ու կազմակերպությունները շտապեցին հենց այդ սոուսի ներքո ներկայացնել քաղաքապետարանում տեղի ունեցածը: Պատահական չէ, որ նրանք այժմ էլ շարունակում են իրենց նման գործելաոճը:
Բայց, ինչպես ասում են ՝ Աստված իրենց հետ: Յուրաքանչյուր ոք վաստակում է իր պատկերացրած բարոյական արժեքների ու մասնագիտական որակների սահմաններում: Այստեղ ամենացավալին այլ բան է, որ փաստացի ներքաղաքական խնդիրը դուրս է հանվում, դառնում է արտաքին խնդիր ու որ ամենավատն է ՝ վնասում է Երևան քաղաքի համբավին:
Երևանի իշխանություններն ու ընդդիմադիր ավագանիները անցողիկ են: Մնայուն է մի բան ՝ Երևան քաղաքն իր պատմությամբ ու ներկայով: Շատ լավ հասկանալով, որ այժմ նախապատրաստություններ են ընթանում Երևանի 2800-ամյակի կապակցությամբ, ու որ այդ նախապատրաստությունների մեջ ներառված են նաև Երևանի քույր քաղաքները, «ներսի դավաճանները» սեփական մորթապաշտական շահերից ելնելով որոշել են վնասել քաղաքի համբավին:
Իհարկե, Երևանի քույր քաղաքներում հասկանում ու տարբերում են իրական քաղաքականությունը գարշահոտությունից ու գարշահոտության քարոզչությունից: Բայց այն հանգամանքը, որ որոշ մարդիկ պատրաստ են խոսելով ամբողջ ժողովրդի անունից ու խոսելով այնպիսի թեմաներից ինչպիսիք Երևան քաղաքն է, փորձում են առաջ տանել իրենց նեղանձնական ու նեղխմբային շահերը, դա ցավալի է բոլորիս համար:
Արմեն Մխիթարյան
Հրատապ. Սյունիքը կտրվելու է,Ալիևը Տիգրանաշեն զորք է մտցնելու. Գեներալ Արշակ Կարապետյան
Ակնկալում եմ ձեր ազնիվ պատասխանները. Արշակ Կարապետյան
Իսպանական քաղաքում ցլերի հետ ավանդական վազքի ժամանակ 10 մարդ է վիրավորվել
Ինչպե՞ս են փոխում հանքային հսկաների անվադողերը. տեսանյութ
Ձևավորվել է Գագիկ Ծառուկյանի պաշտպանության հանրային կոմիտե՝ կազմված սփյուռքի եւ Հայաստանի հեղինակավո...
3 նախարարությունների անվանումները կփոխվեն. Կառավարության կառուցվածքի փոփոխության նախագիծը ընդունվեց
Շինծու գործերի սնանկությունը. Ավետիք Չալաբյանի դեպքի քաղաքական ու իրավական ուղերձները. «Փաստ»
Ավտոտնակում հիմնադրված հայկական բիզնես. խաղեր՝ իրական շփման համար
ԱՄՆ-ը սպառնում է պատժամիջոցներով Իրանի հետ առևտուր անող երկրներին․ հիմնական թիրախը կարող է լինել Չին...
Ո՞ւր են տանում անշարժ գույքի շուկայի նոր «բումի» սուր կողմերը. «Փաստ»
