Սերժ Սարգսյանը մերժել է ներման խնդրանքը. «Փաստ»

«Փաստ» օրաթերթը գրում է.

Ինչպես արդեն տեղեկացրել էր «Փաստ»–ը` 2016 թ. հուլիսին Սարի թաղում տեղի ունեցած բախումների հետևանքով ձերբակալված Էդուարդ Զեյթունցյանի կինը՝ Լալա Բեռնեցյանը, նախորդ շաբաթ նամակ էր ուղարկել ՀՀ նախագահին՝ խնդրելով ներում շնորհել ամուսնուն՝ համարելով, որ նա արդեն իսկ անցած մոտ երկու տարիների ընթացքում կրել է իր պատիժը կալանավայրում։

Լալայի նամակի պատասխանն արդեն իր ձեռքում է։ Երկրի ղեկավարին հղած նամակին ի պատասխան, ուր նա մանրակրկիտ նկարագրել էր իր ընտանեկան վիճակը, առանց ամուսնու անելանելի դրության մեջ լինելն ու ծայրը ծայրին հազիվ հասցնելու մասին, ստանում է հինգ տողանոց նախադասություն։

«ՀՀ նախագահին հասցեագրած դիմումի կապակցությամբ հայտնում եմ, որ Ձեր ներկայացրած հարցի վերաբերյալ ընթանում է դատաքննություն։

2005 թ. փոփոխություններով ՀՀ Սահմանադրության 91–րդ և 97–րդ հոդվածների համաձայն՝ արդարադատությունն իրականացնում են միայն դատարանները. արդարադատություն իրականացնելիս դատավորն անկախ է և ենթարկվում է միայն Սահմանադրությանը և օրենքներին»,– ասված է պատասխանի մեջ։ Այս տողերը կարդալով Լալան մի բանում հստակ համոզվել է՝ Սերժ Սարգսյանն այն չի կարդացել։

«Իմ նամակը երևի նախագահին չի էլ հասել, որովհետև հնարավոր չէ, որ նա կարդար և այսպիսի պատասխան ուղարկեր։ Ես համոզված եմ, որ նախագահին հասցեագրված մեր նամակները նախագահը ո՛չ կարդում է, ո՛չ էլ՝ տեսնում դրանք։ Ինչպես ուզում են, այնպես էլ տպում են, լղոզված տեքստերն ուղարկում։

Ես ներկայացրել եմ իմ սոցիալական վիճակը ամուսնուս ձերբակալությունից հետո, այսքանից հետո, թե ինչ առողջական խնդիրներ ունեմ, այն, որ չեմ կարողանում դրանց լուծում տալ, քանի որ ամուսինս կողքիս չէ։ Նամակում խնդրել եմ ազատ արձակել նրան, որովհետև նա էլ է փոշմանել, որ իր ընտանիքը մենակ է մնացել։ Նշել եմ, որ չեմ կարող ոչինչ առանց իրեն անել։ Իսկ ինձ այսպիսի պատասխան են ուղարկում։

Նախևառաջ ՀՀ դատարանները անկախ չեն, նրանք չեն ենթարկվում Սահմանադրությանը, հետևաբար ես գիտեմ, թե ում են ենթարկվում և նամակս ում եմ ուղղում»,– նշեց Լալան։

Շարունակությունը՝ «Փաստ» օրաթերթի այսօրվա համարում

Այս թեմայով «Վարորդի ընկեր»-ը դիմել է վարչապետին՝ տույժ-տուգանքների համար համաներում կիրառելու խնդրով. «Փաստ» «Հարցերը նախարարների մակարդակով չեն կարող լուծվել. պետք է բնապահպանական քաղաքականության փոփոխություն լինի». Լևոն Գալստյան. «Փաստ» ԿԳՆ-ն փոխել է 9-րդ և 12-րդ դասարանների պետական ավարտական քննությունների օրերը. «Փաստ» Նորանշանակ գյուղնախարարը 8,5 միլիոն դրամի վարկ է վերցրել. «Փաստ» Կոռումպացված լինելու թույլտվությունն ու արատավոր շղթան. Պայքարի ուղիները՝ ըստ Վարուժան Հոկտանյանի. «Փաստ»