Ինչպես են աշխատում ԱԺ պատգամավորները. «Փաստ»
«Փաստ» օրաթերթը գրում է.
«Փաստն» այսօր կանդրադառնա ԲՀԿ–ական Արշակ Մխիթարյանի (Բրիլիանտի Արշակ), ՀՀԿ–ականներ Վահրամ Մկրտչյանի, Մնացական Մնացականյանի և Առաքել Մովսիսյանի(Շմայս) պատգամավորական գործունեությանը:
«Բարգավաճ Հայաստան» կուսակցության անդամ Արշակ Մխիթարյանի՝ պատգամավոր դառնալուց հետո ԱԺ–ում կատարած քվեարկություները հետևյալ պատկերն ունեն. նա հօգուտ օրենսդրական նախաձեռնությունների քվեարկել է 490 անգամ, իսկ դեմ՝ 35: Ձեռնպահ է մնացել 85 անգամ, իսկ 183 անգամ էլ ընդհանրապես չի քվեարկել: Ըստ www.parliamentmonitoring.am կայքի՝ Մխիթարյանը բավական մեծ թվով բացակայություններ ունի՝ ԱԺ նիստերն առանց իր մասնակցության են անցել ավելի քան 170 անգամ: «Բարգավաճ Հայաստան» խմբակցության պատգամավորը անցած 4,5 տարիների ընթացքում միայն 5 անգամ է հարց հնչեցրել և 1 անգամ էլ ելույթ ունեցել: Վերջինս որևէ օրենսդրական նախաձեռնության ստեղծմանը չի մասնակցել: Նրա դրամական միջոցները 2015 թ. դրությամբ կազմել են 729 միլիոն 625 հազար դրամ: Արշակ Մխիթարյանը Բրիլիանտի Արշակ մականունը ստացել է, քանի որ ոսկու և ադամանդի բիզնեսներ ունի:
«Հանրապետական» կուսակցության անդամներ Վահրամ Մկրտչյանից, Առաքել Մովիսյանից և Մնացական Մնացականյանից ամենից շատ կողմ քվեարկած պատգամավորը վերջինն է, ով կողմ է քվեարկել 923 անգամ, իսկ Մկրտչյանն ու Մովսիսյանը կողմ են քվեարկել՝ համապատասխանաբար 622 և 769 անգամ: Հանրապետականները երբևէ աչքի չեն ընկնում ԱԺ–ում քվեարկության դրված նախաձեռնություններին դեմ քվեարկելու ակտիվությամբ: Այդպիսիք են նաև այս համարում տեղ գտած պատգամավորները: Նրանք պատգամավորական մանդատը ստանձնելուց հետ միայն 3–10 անգամ են դեմ քվեարկել: Վահրամ Մկրտչյանն ու Մնացական Մնացականյանը այնքան էլ շատ չեն բացակայել՝ ընդամենը 14–23 անգամ: Ի դեպ Մկրտչյանը 57 անգամ հարցուպատասխանի է մասնակցել և 11 ելույթ ունեցել: Իսկ Մնացականյանը միայն երեք անգամ հարց է հնչեցրել:
Այս երկուսի համեմատ իրենց երրորդ կուսակիցը՝ Շմայսը, ով որևէ նախաձեռնություն, հարց և ելույթներ չունի, 126 նիստ է բաց թողել: Ըստ իր 2015 թ. հայտարարագրի՝ նաև դրամական միջոցներ չունի: Առաքել Մովսիսյանը հայտնի է իր ոչ «բարվոք» խոսելաոճով՝ մամուլում պարբերաբար հրապարակումներ են լինում լրագրողներին ուղղված հայհոյախառն արտահայտություններ պարունակող պատասխանների վերաբերյալ:
Ի տարբերություն վերջինի՝ Վահրամ Մկրտչյանը երկու օրենսդրական նախաձեռնության համահեղինակ է՝ պետաիրավական ոլորտների վերաբերյալ: Մի ուշագրավ փաստ, պատգամավոր դառնալու ժամանակ՝ 2012թ. Մկրտչյանը ոչ դրամական միջոցներ է ունեցել, ոչ էլ՝ եկամուտներ: Իսկ այ արդեն 2015 թ. նա հայտարարագրել է 128 միլիոն 375 հազար դրամ և 7 միլիոն դրամից ավելի եկամուտ:
ԱԺ քվեարկությունների 95 տոկոսից ավելիին կողմ քվեարկած Մնացական Մնացականյանը նույնպես նախաձեռնություններ ստեղծելու աշխատանքների է մասնակցել: Նա թվով 9–ը օրենսդրական նախաձեռնության համահեղինակ է՝ հարկային, բյուջետային և առողջապահական ոլորտների վերաբերյալ: 2015 թ. հայտարարագրել է 50 միլիոն 870 հազար դրամ:
Շարունակությունը` «Փաստ» օրաթերթի այսօրվա համարում:
Որպես պատասխանատու քաղաքական ուժ տեր ենք և հաշվետու մեզ վստահված քվեների համար․ Մարիաննա Ղահրամանյան
Փաշինյանի հակառուսական քաղաքականության պատճառով Ռուսաստանն այլևս չի ընդումում մթերք․ հարցում
Ավետիքը պինդ է, նա գիտի՝ ինչի համար է պայքարում. Ցոլակ Ակոպյան
Սամվել Կարապետյանի ընկերությունների շրջանառությունը Հայաստանի հետ ավելի շատ է, քան ամբողջ Հայաստանի ...
Գործի են դրել ահաբեկումների մամլիչը, փորձում են խուճապ առաջացնել ընդդիմադիր դաշտում. Արեգ Սավգուլյան
Սենատում կրած իր պարտությունը նախագահ Թրամփը վերածեց հաղթանակի․ Արտակ Զաքարյան
«Քրիստոնեական համերաշխություն» միջազգային իրավապաշտպան կազմակերպությունը խոր մտահոգություն է հայտնու...
Արտաշատում մսամթերքի արտադրամասի գործունեություն է կասեցվել
Ոստիկանները ձերբակալել են հետախուզվողի․ հայտնաբերվել է մարտական ատրճանակ ու գաղտնի փականով դանակ
Ավետիք Չալաբյանի ձերբակալությունը բիրտ քաղաքական բռնաճնշում է
